عارىشكەر، گەنەرال ايدىن ايىمبەتوۆتى قۇتتىقتادى - فوتو

استانا. قازاقپارات - كەشە «قازاقستان عارىش ساپارى» ۇ ك» ا ق- دا وتان قورعاۋشىلار كۇنى مەن ۇلى جەڭىس كۇنىنە ارنالعان مەرەكەلىك شارا بولىپ ءوتتى.

ۇلتتىق كومپانانيانىڭ قىزمەتكەرلەرى «ماڭگى پولك» اكسياسىنا قوسىلىپ، اكەلەرى مەن اتالارىنىڭ جاۋىنگەرلىك ەرلىكتەرى تۋرالى بايانداپ بەردى. ۇلى وتان سوعىسىنىڭ ارداگەرلەرى مەن قاتىسۋشىلارىن ۇنسىزدىك مينۋتىمەن ەسكە الدى.

«قازاقستان عارىش ساپارى» ۇ ك» ا ق- نىڭ ۇجىمىندا ەر ادامداردىڭ سانى ايەلدەرگە قاراعاندا ەكى ەسە كوپ. بۇل رەتتە، قىزمەتكەرلەردىڭ كوبى اسكەر قاتارىندا بولعان، كوبى زاپاستاعى كادرلىق وفيتسەرلەر.

ستاتيستيكا بويىنشا، مۇندا زاپاستاعى 20 دان استام كادرلىق وفيتسەر قىزمەت اتقارىپ جاتىر، ولاردىڭ اراسىندا 11 پولكوۆنيك، 6 پودپولكوۆنيك، 2 مايور، اعا لەيتەنانت جانە پراپورشيك بار.

بۇگىن «قازاقستان عارىش ساپارىنىڭ» وفيتسەرلىك قۇرامى ەڭ جوعارى شەنمەن تولىقتى. ق ر پرەزيدەنتىنىڭ جارلىعىمەن ۇشقىش- عارىشكەر، ق ر حالىق قاھارمانى، «قازاقستان عارىش ساپارى» ۇ ك» ا ق- نىڭ ۆيتسە- پرەزيدەنتى ايدىن ايىمبەتوۆ ق ر اۆياتسياسىنىڭ گەنەرال- مايورى اتاعىن الدى.

«بۇل قۋانىشپەن ءبىرىنشى بولىپ تۋعان ۇجىمىممەن بولىسكىم كەلدى»، - دەدى اقورداداعى سالتاناتتى ماراپاتتاۋدان كەيىن ۇلتتىق عارىش ورتالىعىنا كەلگەن ايدىن ايىمبەتوۆ.

«قازاقستان عارىش ساپارى» ۇ ك» ا ق پرەزيدەنتىنىڭ م. ا. مارات نۇرعوجين بۇكىل ۇجىمنىڭ اتىنان عارىش تەحنولوگيالارى جونىندەگى ۆيتسە- پرەزيدەنت ايدىن ايىمبەتوۆتى ق ر اۆياتسياسىنىڭ گەنەرال- مايورى اسكەري اتاعىمەن قۇتتىقتادى.