مەملەكەت باسشىسىنىڭ تاپسىرمالارىن ورىنداۋ ماقساتىندا ۇكىمەت وتىرىسىندا ءبىرقاتار شەشىمدەر قابىلداندى
وتىرىس بارىسىندا پرەمەر-مينيستر «پرەزيدەنت تاراپىنان جالپى ۇكىمەتكە جانە جەكە مينيسترلىكتەرگە قاتىستى جەر زاڭناماسىن جۇزەگە اسىرۋ ماسەلەلەرى بويىنشا ورىندى سىن ايتىلعانىن» باسا ايتتى.
«بۇگىن ءبىز مەملەكەت باسشىسىنىڭ تاپسىرمالارىنا سايكەس بىرنەشە شەشىمدەر قابىلداۋىمىز قاجەت»، - دەدى ك. ءماسىموۆ.
سونىمەن، پرەمەر- مينيستر مىنالاردى تاپسىردى:
ورتالىق جانە جەرگىلىكتى اتقارۋشى ورگاندارعا مەملەكەت باسشىسى جاريالاعان جەر كودەكسىنىڭ كەيبىر نورمالارىنا كەلەسى جىلعا دەيىنگى موراتورييدەن تۋىندايتىن سايكەس شارالار قابىلداۋ.
قىسقا مەرزىمدە پرەمەر- ءمينيستردىڭ ءبىرىنشى ورىنباسارى ب. ساعىنتايەۆتىڭ باسشىلىعىمەن جەر زاڭناماسىن ءتۇسىندىرۋ بويىنشا كوميسسيانىڭ ءتيىمدى جۇمىسى ءۇشىن قاجەتتى شارالار قابىلداۋ.
جەر قاتىناستارىن رەتتەۋ سالاسىنداعى ماسەلەلەردى ۇلتتىق ەكونوميكا مينيسترلىگىنەن اۋىل شارۋاشىلىعى مينيسترلىگىنە تاپسىرۋ.
ينۆەستيتسيالار جانە دامۋ مينيسترلىگىنەن اقپارات سالاسىنداعى سايكەس فۋنكتسيالاردى تاپسىرا وتىرىپ، قازاقستان رەسپۋبليكاسىنىڭ جاڭا مينيسترلىگىن قۇرۋ بويىنشا قاجەتتى راسىمدەر جۇرگىزۋ.
دەنساۋلىق ساقتاۋ جانە الەۋمەتتىك دامۋ مينيسترلىگىنە مىندەتتى مەديتسينالىق ساقتاندىرۋدى ەنگىزۋ بويىنشا ءىس- قيمىلدىڭ جول كارتاسىن ازىرلەۋ.
ءبىلىم جانە عىلىم مينيسترلىگىنە ورتا مەكتەپتەردە وقۋ جىلىن ۇزارتۋ ماسەلەلەرى بويىنشا جانە ءۇش ءتىلدى ءبىلىم بەرۋدى ەنگىزۋ مەرزىمدەرى تۋرالى قوعامنىڭ پىكىرىن زەرتتەۋ.
پرەمەر- ءمينيستردىڭ ورىنباسارى داريعا نازاربايەۆاعا وڭىرلەردەگى كونسۋلتاتسيالىق ورتالىقتارمەن بىرگە ۇكىمەت جانىنداعى ءبىرىڭعاي allC-ورتالىق - جۇرگىزىلگەن رەفورمالار تۋرالى ءتۇسىندىرۋ ءۇشىن «جەدەل جەلى» قۇرۋ.
«جاۋاپتى ادامداردى بەكىتۋ قاجەت، ءبىر دە ءبىر سۇراق جاۋاپسىز قالماۋى ءتيىس»، - دەپ اتاپ ءوتتى ول.
«ءار باسشى ءوز قۇزىرەتتىلىگى اياسىندا رەفورمالاردىڭ بارلىق باعىتتارى بويىنشا قوعامنىڭ قاتىناسىن تالداپ، ءوز قىزمەتىندە سايكەس تۇزەتۋلەر ەنگىزۋى ءتيىس»، - دەپ باسا ايتتى ك. ءماسىموۆ.
«مەملەكەت باسشىسىنىڭ تاپسىرمالارىن ورىنداۋ بويىنشا جەمىستى جانە كونسترۋكتيۆتى جۇمىس قالىپتاستىرۋ قاجەت. ناقتى ايتقاندا، كەشە ەل پرەزيدەنتى بىزگە تاعى دا سەنىم ءبىلدىردى، ەندى ءبىز ءوزىمىزدىڭ ءتيىمدى جۇمىسىمىزبەن سول سەنىمدى اقتاۋىمىز ءتيىس»، - دەپ ءتۇيدى پرەمەر- مينيستر.
