قىتايدىڭ گۋاڭدۇڭ سوتى اقجارقىن تۇرلىبايعا قاتىستى سوت شەشىمىنىڭ كۇشىن جويدى

استانا. قازاقپارات - بۇگىن ەسىرتكى زاتتارىنىڭ كونترابانداسى بويىنشا ايىپتالعان قازاقستان رەسپۋبليكاسىنىڭ ازاماتى اقجارقىن تۇرلىبايعا قاتىستى قىلمىستىق ءىس بويىنشا قىتاي حالىق رەسپۋبليكاسىنىڭ گۋاڭدۇڭ سوتى اپەللياتسيالىق سوتىنىڭ شەشىمى جاريا ەتىلدى. بۇل تۋرالى ق ر سىرتقى ىستەر مينيسترلىگىنىڭ باسپا ءسوز قىزمەتىنەن حابارلاندى.

«سوت ا. تۇرلىبايعا بۇرىن تاعايىندالعان ءومىر بويى باس بوستاندىعىنان ايىرۋ تۋرالى ءبىرىنشى ينستانسياداعى سوت شەشىمىنىڭ كۇشىن جويۋ جانە ءىستى ءبىرىنشى ساتىداعى سوتقا قايتا قاراۋعا جىبەرۋ تۋرالى شەشىم شىعاردى. گۋاڭدۇڭ سوتىنىڭ قاۋلىسى شاعىمدانۋعا جانە نارازىلىق بىلدىرۋگە جاتپايدى جانە دەرەۋ كۇشىنە ەنەدى»، - دەلىنگەن باسپا ءسوز بايانىندا. شەشىمدى جاريالاۋ وتىرىسىنا ق ر سىرتقى ىستەر مينيسترلىگىنىڭ وكىلى، قازاقستاننىڭ قىتايداعى ەلشىلىگىنىڭ كونسۋلى ب. سىرلىبايەۆ، ادۆوكات س. نۇرماعامبەتوۆ جانە قىتايلىق ادۆوكاتتار سياو جاندە مەن فەن جيجيان قاتىسقان.

ەستەرىڭىزگە سالا كەتەيىك، 20 جاستاعى قازاقستاندىق ستۋدەنت اقجارقىن تۇرلىباي گۋاڭجوۋ اۋەجايىندا 2014 -جىلعى ناۋرىزدا ۇستالعان. ا. تۇرلىبايدىڭ ايتۋىنشا، وعان ەسىرتكىنى كلۋبتا كەزدەيسوق تانىسقان ادامدار سالىپ جىبەرگەن. قازاقستاندىققا ءومىر بويىنا باس بوستاندىعىنان ايىرۋ جازاسى كەسىلگەن بولاتىن.

اۆتور: قانات مامەتقازى ۇلى