بار ءبىلىمىم مەن تاجىريبەمدى مەملەكەت باسشىسى قويعان مىندەتتەردى ورىنداۋعا جۇمسايمىن - ق. بيشىمبايەۆ
«مەملەكەت باسشىسىنىڭ جارلىعىمەن بيشىمبايەۆ قۋاندىق ءۋاليحان ۇلى ۇلتتىق ەكونوميكا ءمينيسترى بولىپ تاعايىندالدى»، - دەدى كارىم ءماسىموۆ.
ۆەدومستۆونىڭ بۇرىنعى باسشىسى ەربولات دوسايەۆ مەملەكەت باسشىسىنا ۇكىمەتتەگى ەڭبەك جولىندا سەنىم بىلدىرگەنى ءۇشىن ريزاشىلىعىن ايتتى.
«سونداي-اق ۇجىمعا بىرلەسكەن جۇمىسى ءۇشىن العىس ايتقىم كەلەدى. بۇل مەن ءۇشىن ۇلكەن ابىروي. ۇلتتىق ەكونوميكا مينيسترلىگىنە جانە قازىر جاساپ جاتقان جۇمىستارىڭىزدا ۇلكەن جاۋاپكەرشىلىك ارتىلعان دەپ ەسەپتەيمىن»، - دەدى ارىپتەستەرىنە زور دەنساۋلىق پەن تابىستار تىلەگەن ە. دوسايەۆ.
ءوز كەزەگىندە ق. بيشىمبايەۆ «ۇلتتىق ەكونوميكا مينيسترلىگى ۇكىمەت قۇرامىنداعى باستى ۆەدومستۆو بولىپ تابىلادى، سوندىقتان مەن بار ءبىلىمىم مەن تاجىريبەمدى مينيسترلىك ۇجىمىمەن بىرگە مەملەكەت باسشىسى قويعان مىندەتتەردى ورىنداۋعا باعىتتايمىن»، - دەپ باسا ايتتى.
