اسكەريلەر تەحنيكالارىن ساپقا قويىپ كەرەگەنى بەينەلەپ كورسەتتى - فوتو

استانا. قازاقپارات - قازاقستاندىق بىتىمگەرشىلىك باتالونىنىڭ اسكەري قىزمەتشىلەرى وتان قورعاۋشىلار كۇنى قارساڭىندا ايرىقشا فلەشموب وتكىزدى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.

كيىز ءۇيدىڭ ەلمەنتى - كەرەگە جاساۋ ارقىلى بىتىمگەرشى اسكەري قىزمەتشىلەر وزدەرىنىڭ بارلىق ارىپتەستەرى مەن قارۋلاستارىن كاسىبي مەرەكەلەرىمەن قۇتتىقتادى.

اسكەري ماشينالاردى التى لەككە ءتىزىپ، ولار قاقتىعىس بولدىرماي قوزعالىستا ناقتى جانە ۇيلەسىمدى تۇردە كەرەگەنىڭ سيمۆولىن (كيىز ءۇيدىڭ قۇرامدى بولىگىن) قۇردى. بۇل رەتتە بارلىق ءىس-قيمىلعا ساناۋلى مينۋتتار عانا كەتتى.

كەرەگە - بۇل كيىز ءۇيدىڭ نەگىزگى قاڭقاسىنىڭ ءبىر بولىگى، ول جەلگە بەرىك قورعانىس، سونداي-اق وعان شاڭىراقتى ۇستاپ تۇراتىن تىرەۋىش ۋىق بەكىتىلەدى.

وسىلايشا، اسكەري قىزمەتشىلەر قازاقستان ارمياسىن حالقىمىز ءۇشىن قورعانىس جانە تىرەۋىشپەن سالىستىردى.