بيلىكتىڭ رۇقساتىنسىز وزبەك انشىلەرى ەندى شەتەلگە شىعا المايدى

استانا. قازاقپارات - وزبەكستاننىڭ پرەمەر-مينيستر شاۆكات ميرزيايەۆتىڭ بۇيرىعىمەن وسى ەلدىڭ ەڭبەك سىڭىرگەن ءارتىسى، اتاقتى ءانشى جانە كومپوزيتور ابدۋلازيز كاريم بار اتاعىنان ايىرىلدى.

بۇل تۋرالى aq.kzb حابارلايدى.

تۇرىك ازاماتتىعىن العان ءانشىنى «وتانىن ساتقان» دەپ اتاعان. تاشكەنت بيلىگىندەگى دەرەككوزدىڭ حابارلاۋىنشا، كابينەت ءمينيسترى ابدۋلازيز كاريمدى 2000-جىلى العان «نيحول» («روستوك») سىيلىعىنان جانە 2003-جىلى بەرگەن وزبەكستاننىڭ ەڭبەك سىڭىرگەن ءارتىسى اتاعىنان ايىرعان.

پرەمەر-مينيستر شاۆكات ميرزيايەۆتىڭ ونەر ادامدارىن جازالاۋى ءبىرىنشى جاعداي ەمەس. 2010-جىلى شاۆكات ميرزيايەۆ «حۋجا» توبىنىڭ ءانشىسى يززات يبراگيموۆتى تاۋەلسىزدىك كۇنى قارساڭىندا دايىندىق شاراسىنا كەلمەي قويعانى ءۇشىن وزبەكستاننىڭ ەڭبەك سىڭىرگەن ءارتىسى اتاعىنان ايىردى.

تاياۋدا مادەنيەت مينيسترلىگى وتكىزگەن ارنايى جيىننان كەيىن، «ۋزبەكناۆو» بىرلەستىگى تۇركياعا باراتىن وزبەك انشىلەرىنە دەگەن تالاپتى كۇشەيتكەن. بۇدان بىلاي ونەر ادامدارى شەتەلگە شىعۋ ءۇشىن ارنايى مەكەمەدەن رۇقسات الۋ كەرەك ەكەن.

​ەسكە سالا كەتەيىك، 29- ناۋرىزدى ابدۋلازيز كاريم تۇركيانىڭ پرەمەر-ءمينيسترى احمەت داۆۋتوگلۋدان جەكە حات العان. وندا وزبەك انشىسىنە تۇركيا ازاماتتىعى بەرىلەتىنى ايتىلعان. ابدۋلازيز كاريم 2015-جىلدىڭ مامىر ايىندا ەلىندە اندەرىن ورىنداۋعا تىيىم سالعاننان كەيىن، وتانىن تاستاپ كەتۋگە ءماجبۇر بولعان. ول سودان بەرى تۇركيادا جەكە شىعارماشىلىعىمەن اينالىسىپ كەلەدى.