ق ر پرەزيدەنتى د. رودين مەن ق. ۇمبەتوۆكە «حالىق قاھارمانى» اتاعىن بەردى

استانا. قازاقپارات - مەملەكەت باسشىسى قازاقستان رەسپۋبليكاسىنىڭ مەملەكەتتىك ناگرادالارىمەن ناگرادتاۋ تۋرالى جارلىققا قول قويدى.

«قازاقپارات» ح ا ا قۇجاتتىڭ تولىق ءماتىنىن ۇسىنادى.

قازاقستان رەسپۋبليكاسىنىڭ مەملەكەتتىك ناگرادالارىمەن ناگرادتاۋ تۋرالى قازاقستان رەسپۋبليكاسى پرەزيدەنتىنىڭ جارلىعى

قاۋلى ەتەمىن:

1. قازاقستان رەسپۋبليكاسىنا سىڭىرگەن اسا ۇزدىك ەڭبەگى، اسكەري جانە قىزمەتتىك بورىشىن اتقارۋ ۇستىندە كورسەتكەن ەرلىگى مەن جانقيارلىعى ءۇشىن:

جوعارى دارەجەلى ەرەكشەلىك بەلگىسى - «حالىق قاھارمانى» اتاعى بەرىلىپ، ايرىقشا ەرەكشەلىك بەلگىسى - التىن جۇلدىز بەن «وتان» وردەنى تاپسىرىلسىن:

رودين دميتري ولەگوۆيچكە - «Fokker - 100»  اۋە كەمەسىنىڭ كومانديرى، الماتى قالاسى

ۇمبەتوۆ قايرات جارىلقاسىن ۇلىنا - ۇلتتىق ۇلان «ورتالىق» وڭىرلىك قولباسشىلىعىنىڭ شتاب باستىعى - 6505 اسكەري ءبولىمى كومانديرىنىڭ ءبىرىنشى ورىنباسارى.

2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى

ن. نازاربايەۆ

استانا، اقوردا، 2016-جىلعى 3- مامىر

244№