مىندەتتى مەديتسينالىق ساقتاندىرۋ رەفورماسى بويىنشا جول كارتاسىن ازىرلەۋ كەرەك - ق ر پرەزيدەنتى

استانا. قازاقپارات - بۇگىن اقوردادا وتكەن كەڭەس بارىسىندا مەملەكەت باسشىسى نۇرسۇلتان نازاربايەۆ دەنساۋلىق ساقتاۋ جانە الەۋمەتتىك دامۋ مينيسترلىگىنە جاڭا جول كارتاسىن ازىرلەۋدى تاپسىردى.

«مىندەتتى مەديتسينالىق ساقتاندىرۋدى ەنگىزۋ كەرەك دەگەندە دە حالىق بۇعان كۇدىكپەن قاراعانىن جاقسى بىلەمىن. سوندىقتان، دەنساۋلىق ساقتاۋ جانە الەۋمەتتىك دامۋ مينيسترلىگى وسى ماسەلە بويىنشا جول كارتاسىن ازىرلەسىن. بۇل رەفورما ءاربىر قازاقستاندىققا قاتىستى بولعاندىقتان، ءبارىمىزدىڭ نازارىمىز وسى رەفورمادا بولادى»، - دەدى ن. نازاربايەۆ.

ايتا كەتەيىك، اقوردادا وتكەن كەڭەسكە پارلامەنت پالاتالارىنىڭ ءتوراعالارى، پرەمەر-مينيستر، پرەزيدەنت اكىمشىلىگىنىڭ باسشىسى، ۇكىمەت مۇشەلەرى مەن مەملەكەتتىك ورگانداردىڭ باسشىلارى قاتىستى.

اۆتور: كەنجەكەي توقتامۇرات قىزى