20:10, 05 - مامىر 2016 | GMT +5
تۇركيا پرەمەر- ءمينيسترى احمەت ءداۋىتوعلى قىزمەتىنەن كەتپەك
استانا. قازاقپارات - تۇركيا پرەمەر- ءمينيسترى احمەت ءداۋىتوعلى باسقارۋشى پارتيا كوشباسشىسى جانە ۇكىمەت باسشىسى قىزمەتتەرىنەن كەتۋ شەشىمىن جاريالادى.
پارتيانىڭ جاڭا باسشىسى سايلاناتىن كەزەكتەن تىس سەزى 22 -مامىردا وتەدى.
بۇل تۋرالى ر ب ك حابارلادى.
تۇركيا ساياساتكەرى احمەت ءداۋىتوعلى ءوزىنىڭ شەشىمى تۋرالى پارتيانىڭ شتاب- پاتەرىندە مالىمدەدى. ءداۋىتوعلى باسقارۋشى پارتيانىڭ كەزەكتەن تىس سەزىندە قايتا سايلانبايتىنىن ايتتى.
«پرەزيدەنتپەن كەڭەسۋلەردەن كەيىن مەن پارتيا كوشباسشىسىن جانە پرەمەر- ءمينيستردى اۋىستىرۋ جاقسى بولادى دەگەن پىكىرگە كەلدىم»، - دەگەن ءداۋىتوعلىنىڭ سوزدەرىن كەلتىرەدى The New York Times. ول باسشىلىقتى اۋىستىرۋ «پارتيانىڭ بىرلىگىن ساقتاپ قالۋ ءۇشىن بەيبىت ادىسپەن وتكىزىلۋى ءتيىس»، ەكەنىن اتاپ ءوتتى.
