20:04, 05 - مامىر 2016 | GMT +5
ازەربايجاندا يپوتەكالىق نەسيەلەردى شەتەلدىك ۆاليۋتامەن بەرۋگە تىيىم سالىندى
استانا. قازاقپارات - ازەربايجاندا يپوتەكالىق نەسيەلەردى شەتەلدىك ۆاليۋتامەن بەرۋگە تىيىم سالىندى، دەپ جازادى ترەند.
تابىسى شەتەل ۆاليۋتاسىمەن بەلگىلەنگەن جانە شەتەل ۆاليۋتاسىندا سالىمدارى بار ازاماتتاردان باسقالارعا ۆاليۋتالىق تۇتىنۋشىلىق نەسيەلەردى بەرۋ توقتاتىلدى. بۇل شەكتەۋ ءبىر ايعا ەنگىزىلدى، ودان كەيىن ەلدەگى ۆاليۋتالىق يپوتەكا تاعدىرى تۋرالى سوڭعى شەشىم شىعارىلادى.
بۇدان باسقا، ۆاليۋتالىق نەسيەلەردىڭ قۇرىلىمىن قايتا قاراۋ قالپىنا كەلتىرىلدى.
بۇعان دەيىن ازەربايجان و ب- نىڭ شەشىمىمەن ۇلتتىق ۆاليۋتا - ماناتتىڭ قۇبىلمالى باعامى ەنگىزىلگەن، بۇدان كەيىن ول دوللارعا قاتىناسى بويىنشا 50 پايىزعا ارزانداپ قالدى.
