ق. وسكەنبايەۆ ءمينيستردى دە، ۇكىمەتتى دە جەرگە قاراتتى - ن. نازاربايەۆ
«نۇرسۇلتان ءابىش ۇلى، ءسىزدىڭ شەشىمىڭىزدى ەسكەرە وتىرىپ، تاعى دا ايتارىم، جەر كودەكسىنىڭ جاڭا نورمالارى كەرەك وزگەرىستەر دەپ ويلايمىن. جاڭا نورمالار الەم ەلدەرىنىڭ تاجىريبەسىندە كەزدەسەدى. قوعامداعى جاعدايدى ەسكەرە وتىرىپ، نۇرسۇلتان ءابىش ۇلى سىزدەن مەنى ۇلتتىق ەكونوميكا ءمينيسترى قىزمەتىنەن وتستاۆكاعا كەتۋ تۋرالى ءوتىنىشىمدى قابىلداۋىڭىزدى سۇرايمىن. وسى ءساتتى پايدالانا وتىرىپ، سەنىم ارتقانىڭىز ءۇشىن، ۇكىمەتتە ءارتۇرلى قىزمەتتەردى سەنىپ تاپسىرعانىڭىز ءۇشىن سىزگە العىس ايتقىم كەلەدى. ۇكىمەتتەگى ارىپتەستەرىمنىڭ بارلىعىنا دا ايتار العىسىم بار»، - دەدى ە. دوسايەۆ پرەزيدەنت الدىندا ءسوز الا وتىرىپ.
بۇعان قاتىستى مەملەكەت باسشىسى: «دوسايەۆ ءتيىمدى جۇمىس ىستەگەن مينيسترلەردىڭ ءبىرى، ءبىراق ءدال مىنا جاعدايدا مەن سەنىڭ وتستاۆكاڭدى قابىلدايمىن. ال، وسكەنبايەۆ (ۇلتتىق ەكونوميكا ۆيتسە-ءمينيسترى بولعان قايىربەك وسكەنبايەۆ - اگەنتتىك) بەرگەن تاپسىرمانى ورىنداي المادى، سوندىقتان، جۇمىستان بوساتامىز. قايىربەك وسكەنبايەۆ جەر كودەكسىنە وزگەرىستەر ەنگىزۋ باعىتىن باسقارعان ەدى. ول وسى زاڭ جوباسىن ازىرلەدى، ونى قابىلداۋ جونىندەگى جۇمىستاردى تىزگىندەدى. ءبىراق، سەنى دە، ۇكىمەتتى دە جەرگە قاراتتى»، - دەدى.
اۆتور: كەنجەكەي توقتامۇرات قىزى
