ق ر ۇلتتىق ەكونوميكا ۆيتسە-ءمينيسترى ق. وسكەنبايەۆ قىزمەتىنەن بوساتىلدى

استانا. قازاقپارات - بۇگىن اقوردادا مەملەكەت باسشىسى نۇرسۇلتان نازاربايەۆتىڭ توراعالىعىمەن ءوتىپ جاتقان كەڭەس بارىسىندا پرەزيدەنت ق ر ۇلتتىق ەكونوميكا ۆيتسە-ءمينيسترى قايىربەك وسكەنبايەۆتى قىزمەتىن بوساتۋدى بۇيىردى.

«بۇل جۇمىسقا (جەر زاڭناماسىنا) ق ر ۇلتتىق ەكونوميكا ۆيتسە-ءمينيسترى قايىربەك وسكەنبايەۆ جاۋاپتى بولعان. ونى جۇمىستان بوساتۋ كەرەك. ول جۇمىسىن ءتيىستى دەڭگەيدە اتقارا الماي، سەنىڭ (ەربولات دوسايەۆ) جانە ۇكىمەتتىڭ سەنىمىن اقتامادى»، - دەدى ەلباسى.

بۇل قىزمەتكە قايىربەك ايتباي ۇلى ق ر ۇكىمەتىنىڭ 2014 -جىلعى 13 -تامىزداعى № 918 قاۋلىسىمەن تاعايىندالعان بولاتىن.

وسىنىڭ الدىندا ول 2004 -جىلدان ق ر يندۋستريا جانە ساۋدا مينيسترلىگىنىڭ ساۋدا جانە تۋريستىك قىزمەتتى رەتتەۋ جونىندەگى كوميتەتى ءتوراعاسى، 2006 -جىلعى مامىردان ق ر تۋريزم جانە سپورت مينيسترلىگى تۋريزم يندۋسترياسى كوميتەتىنىڭ ءتوراعاسى قىزمەتتەرىن اتقاردى.

2007 -جىلعى قىركۇيەكتەن 2011 -جىلعى مامىر ايى ارالىعىندا ق ر تۋريزم جانە سپورت مينيسترلىگىنىڭ ۆيتسە-ءمينيسترى، 2013 -جىلعى اقپان ايىنان ق ر وڭىرلىك دامۋ ءبىرىنشى ۆيتسە-ءمينيسترى لاۋازىمدارىندا قىزمەت ەتتى.

اۆتور: رۋسلان عابباسوۆ