17:17, 05 - مامىر 2016 | GMT +5
كۋۆەيت ازىق-تۇلىك جونىندەگى يسلام ۇيىمىنا قوسىلدى
استانا. قازاقپارات - كۋۆەيت مەملەكەتى ازىق- تۇلىك جونىندەگى يسلام ۇيىمىنا قوسىلدى، دەپ حابارلادى ق ر س ءى م كۋۆەيتتىڭ جاڭالىقتار اگەنتتىگىنە (كۋنا) سىلتەمە جاساپ.
«كۋۆەيت قازاقستان استاناسىندا وتكەن ازىق- تۇلىك قاۋىپسىزدىگى جونىندەگى مينيسترلەردىڭ 7- يسلام كونفەرەنسياسىنا قاتىستى. وندا ازىق- تۇلىك جونىندەگى ءبىرىنشى يسلام ۇيىمىن قۇرۋ تۋرالى مالىمدەمە قابىلداندى»، - دەلىنگەن اگەنتتىكتىڭ حابارلاماسىندا.
جاڭا ۇيىم استانادا بىردەن ءوزىنىڭ باس اسسامبلەياسىنىڭ العاشقى وتىرىسىن وتكىزدى. اتاپ ايتقاندا، كۋۆەيتتىڭ قازاقستانداعى ەلشىسى تاريك ءال-فارادج «كۋۆەيت ازىق- تۇلىك قاۋىپسىزدىگى جونىندەگى يسلام ۇيىمىنىڭ تولىققاندى مۇشەسى اتانۋى ءۇشىن قاجەتتى بارلىق قادامداردى اياقتاعانىن» اتاپ ءوتتى. ديپلومات ەلىمىزگە كونفەرەنسيانى تابىستى وتكىزگەنى ءۇشىن العىس ايتتى.
