بالالاردى داۋىس كوتەرىپ تاربيەلەۋگە بولمايدى

استانا. قازاقپارات -   ەگەر ۇنەمى بالاعا ايعايلاي بەرسە، بۇل ونىڭ دەنساۋلىعىنا كەرى اسەر ەتەدى، ءتىپتى كۇيزەلىستەن ول سەمىرۋگە شالدىعۋى مۇمكىن. امەريكانىڭ ايوۆا شتاتىنىڭ عالىمدارى زەرتتەۋ قورىتىندىسى بويىنشا وسىنداي تۇجىرىمعا  كەلدى.

«بالا تاربيەسىندە داۋىس كوتەرۋ ونىڭ دەنساۋلىعىنا كەرى اسەر ەتەدى، بۇعان اتا- اناسىنىڭ ەكىنشىسىنىڭ جاقسى قاراعانى جاردەمدەسپەيدى»، - دەيدى زەرتتەۋدىڭ جەتەكشى اۆتورى توماس شوفيلد.

 Iowa Youth and Families Project  زەرتتەۋ   توبى   ەكسپەريمەنت   جۇرگىزگەن.  وعان  12  جاستاعى  451  جاسوسپىرىم   مەن   ونىڭ   اتا - انالارى   قاتىسقان.  عالىمدار   بالالار  20  جاسقا   جەتكەنگە   دەيىن   بىرنەشە   جىل   بويى   وتباسى   ىشىندەگى   قارىم - قاتىناستى   باقىلاعان،  دەپ   جازادى   Fox News   جۋرنالى.

بۇل   رەتتە   ءار   اتا - اناعا   دورەكىلىك   رەيتينگى   بويىنشا   باعالانعان   وعان   ۇرىپ - سوعۋ،  قانداي   دا   ءبىر   جۇمىسقا   ماجبۇرلەۋ،  تىيىم   سالۋ،  وزىمشىلدىك   نەمەسە   بالاعا   داۋىس   كوتەرۋ   سياقتى   كورسەتكىشتەر   ەنگىزىلگەن.  ەكسپەريمەنت   سوڭىندا   بالالاردىڭ   جاعدايى   تولىق   تەكسەرۋدەن   وتكىزىلگەن.

شوفيلد   قاتال   تاربيە   جەتكىنشەكتەرگە   سوزىلمالى   كۇيزەلىس ( سترەسستىك  )  ورتاسىن   قالىپتاستىراتىنىن   ايتادى.  مۇنداي   تاربيە   بالانىڭ   كىشكەنە   كەزىندە   دامىپ   كەلە   جاتقان   ميىنا   جامان   اسەر   ەتەدى.

عالىمدار   بەلگىلى   بولعان   بۇدان   باسقا   تەرىس   سالداردىڭ   ىشىندە   قابىنۋ   سىرقاتتارىنا   تەز   شالدىعۋ،  جۇرەك - قان   تامىرلارى   بەلسەندىلىگىنىڭ   تومەندەۋ   بار.