ءتولقۇجاتتارىندا جەكە ءنومىرى جازىلماعان قازاقستاندىقتار شەكارادان وتكىزىلمەيدى

استانا. قازاقپارات - جەكە سايكەستەندىرۋ ءنومىرى (ج س ن) جوق ۇلتتىق ءتولقۇجاتتار جارامسىز بولىپ تابىلادى، ولاردىڭ يەلەرى مەملەكەتتىك شەكارادان وتكىزىلمەيدى.

بۇل تۋرالى ق ر ۇ ق ك شەكارا قىزمەتىنە سىلتەمە جاساپ، قازاقستاندىق تۋريستىك قاۋىمداستىق حابارلادى.

«ازاماتتاردىڭ ق ر شەكاراسى ارقىلى وتكىزىلمەۋىنە بايلانىستى شاعىمدار مەن كيكىلجىڭ جاعدايلاردى بولدىرماۋ ماقساتىندا شەكارادان اسۋدى جوسپارلاپ وتىرعان ق ر ازاماتتارىنىڭ جەكە باسىن كۋالاندىراتىن قۇجاتتارىندا ج س ن جازىلماسا، ق ر- نىڭ «جەكە باستى كۋالاندىراتىن قۇجاتتار تۋرالى» زاڭىنىڭ 7-بابىنداعى 2-بولىمىنە، سونداي- اق ق ر- نىڭ «سايكەستەندىرۋ نومىرلەرىنىڭ ۇلتتىق تىزىلىمدەمەلەرى تۋرالى» زاڭىنىڭ 13-بابىنداعى 3-بولىمىنە سايكەس ولار جارامسىز بولىپ تانىلادى. وسىلايشا، قالىپتاستىرىلعان ج س ن جازىلماعان قۇجاتتاردى ۇسىنعان قر ازاماتتارى قازاقستان رەسپۋبليكاسىنىڭ مەملەكەتتىك شەكاراسىنان وتكىزىلمەيدى. مۇنداي قۇجاتتار ق ر- دىڭ «مەملەكەتتىك شەكارا تۋرالى» زاڭىنداعى 66-باپتىڭ 9-بولىمىنە سايكەس تاركىلەنەدى»، - دەپ حابارلايدى قاۋىمداستىق شەكارا قىزمەتىنىڭ حابارلاماسىنا سىلتەمە جاساپ.

ق ت ق شەكارا قىزمەتىمەن كونسۋلتاتسيا وتكىزگەنىن حابارلادى. شامامەن 2004 -جىلعا دەيىن شىعارىلعان ەسكى ۇلگىدەگى ءتولقۇجاتتاردا بەتتىڭ وڭ جاعىندا ءتولقۇجات يەسىنىڭ جىنىسى كورسەتىلگەن جەردە ج س ن تۋرالى اقپارات جوق.

ءبىراق تا بۇل اقپارات ماشينامەن ەسەپتەلگەن تومەندەگى جولداردا تەگى، ەسىمى، ءتولقۇجات ءنومىرى، تۋعان جىلى كەرى تارتىپپەن جازىلعان، سونداي- اق جىنىسى، ءتولقۇجاتتىڭ شىعارىلعان كۇنى جانە سوڭعى 12 سان - بۇل قالىپتاستىرىلعان ج س ن.

«تولقۇجاتتىڭ ءبىرىنشى بەتىندەگى تومەندەگى ماشينامەن ەسەپتەلگەن جولدار بار ق ر ازاماتتارىن شەكارا قىزمەتى ادەتتەگى تارتىپپەن جىبەرەدى. قالىپتاستىرىلعان جسن جانە ماشينامەن ەسەپتەلگەن جازۋلار (ياعني ەسكى ءتولقۇجاتتاردا) جوق ق ر ازاماتتارى مەملەكەتتىك شەكارا ارقىلى وتكىزىلمەيدى»، دەپ حابارلادى قازاقستاننىڭ تۋريستىك قاۋىمداستىعى.