قازاقستان قىرعىزستاننان كارتوپ اكەلۋگە ۋاقىتشا تىيىم سالدى
«سوڭعى كەزدە قىرعىز رەسپۋبليكاسىنان كارانتيندى نىسان - Globodera rostochiensis (Wollenweber) Behrens التىن تۇستەس كارتوپ ۆيرۋسىن جۇقتىرعان ءونىمدى جەتكىزۋ جاعدايلارى جيىلەدى. اعىمداعى قاڭتار ايىنان بەرى عانا ۆيرۋس جۇقتىرعان كارتوپتى اكەلۋدىڭ 79 وقيعاسى انىقتالىپ، وعان جول بەرىلمەدى، قىرعىز رەسپۋبليكاسىنا بۇل كوكونىستىڭ 1000 توننادان استامى كەرى قايتارىلدى»، - دەلىنگەن حابارلامادا.
كارتوپ گلوبودەروزىنا اكەلىپ سوقتىراتىن بۇل ۆيرۋس وتە زارارلى ەكەنىن اتاپ ءوتۋ كەرەك. كارتوپ ءونىمىنىڭ ساپاسىن جوعالتۋ كورسەتكىشى 25 تەن 90 پايىزعا دەيىن جەتەدى، بۇل توپىراقتىڭ زارارسىزدانۋى مەن سۇرىپ تۇراقتىلىعىنا بايلانىستى.
وعان قوسا، نەماتودالاردىڭ ميكروبتارى تىرشىلىككە وتە بەيىم: توپىراقتا القا تۇقىمداستارى جوق بولسا، 10 جىل جانە ودان كوپ ۋاقىت تىرشىلىك ەتە بەرەدى. نەماتودا قۇرعاقشىلىققا، سۋ باسۋعا جانە ايازعا بەيىم، ءتىپتى ادامنىڭ اياق كيىمى مەن جانۋارلاردىڭ تاباندارىنا جابىسقان جەر كەسەكتەرىمەن، تاسقىن سۋ جانە جەلمەن دە تارالۋى مۇمكىن.
