تەد كرۋز ا ق ش پرەزيدەنتى سايلاۋى باسەكەسىنەن باس تارتتى
كرۋزدىڭ باس تارتۋى ميللياردەر دونالد ترامپتىڭ رەسپۋبليكاشىل پارتيا اتىنان پرەزيدەنتتىككە ۇسىنىلۋىنا ءىس جۇزىندە كەپىلدىك بەرەدى.
بۇعان دەيىن ترامپتىڭ ينديانا شتاتىنداعى پارتيا ىشىندەگى داۋىس بەرۋدە جەڭگەنى حابارلانعان. ول رەسپۋبليكاشىل سايلاۋشىلاردىڭ جارتىسىنان كوبىنىڭ داۋسىن الىپ، باستى قارسىلاسى، سەناتور تەد كۋزدى ۇلكەن شتاتتا جەڭىسكە جەتۋدەگى ۇمىتىنەن ايىرعان. كرۋز ينديانا شتاتىندا جەڭسە ترامپتىڭ قۇرىلتايدا رەسپۋبليكاشىل پارتيا اتىنان پرەزيدەنتتىككە ۇسىنىلۋىنا قاجەتتى 1238 داۋىس جيناۋىنا كەدەرگى كەلتىرەتىن ەدى.
ترامپتىڭ تاعى ءبىر قارسىلاسى، وگايو شتاتىنىڭ گۋبەرناتورى دجون كەيسيك سايلاۋعا ءتۇسۋ كۇرەسىن پارتيا قۇرىلتايىنا دەيىن جالعاستىرا بەرەتىنىن مالىمدەگەن. ءبىراق ونىڭ مۇمكىندىگى مۇلدەم تومەن.
دەموكراتيالىق پارتيانىڭ يندياناداعى پارتيا ىشىندەگى داۋىس بەرۋىندە كۇتپەگەن جەردەن بەرني ساندەرس جەڭىسكە جەتتى. ءبىراق حيللاري كلينتوننىڭ بۇعان دەيىنگى پرايمەريزدەر قورىتىندىسى بويىنشا دەموكراتيالىق پارتيادان كانديدات بولىپ ۇسىنىلۋ مۇمكىندىگى جوعارى.
«ازاتتىق»
