كونسەرت الدىندا مەيرامبەك بەسپايەۆ ءبۇلدىرشىننىڭ تۇساۋىن كەسىپ، قايرات اۋزىنا تۇكىردى

استانا. قازاقپارات - ءانشى مەيرامبەك بەسپايەۆ اتقامىنەردىڭ تۇساۋىن كەسىپ، قايرات نۇرتاس ىرىمداپ اۋزىنا تۇكىردى.

ءانشى ارتىنشا ءبۇلدىرشىننىڭ اتا-اناسىنا كورىمدىك بەردى.

بۇل تۋرالى Stan.kz سايتى حابارلايدى.

رەسپۋبليكا سارايىنا كونسەرتكە كەلگەن تىڭدارماندارى مەيرامبەك بەسپايەۆ پەن قايرات نۇرتاسقا ۇلدارىنىڭ تۇساۋىن كەسىپ بەرۋدى وتىنگەن-ءدى. ساحناعا شىعۋعا اسىعىپ تۇرسا دا، ونەر جۇلدىزدارى تىڭدارماندارىنىڭ ءوتىنىشىن جەرگە تاستاماعان.

مەيرامبەك بەسپايەۆ ءبۇلدىرشىننىڭ تۇساۋىن كەسىپ، ارتىنشا مۇقاسان شاحزودايەۆ ەكەۋى العاشقى قادامىن جاساۋعا كومەكتەسەدى. بۇدان كەيىن ىرىمداپ قايرات نۇرتاس ءسابيدىڭ اۋزىنا تۇكىرىپ، 200 دوللار كولەمىندە كورىمدىك بەرەدى.

«زامان» توبىنىڭ سوليستەرى مەن باسقا انشىلەر دە ىستىق تىلەكتەرىن جاۋدىرىپ، وزدەرى تانىمايتىن جاستىڭ ۇلىنا باقىت تىلەدى. بۇل جاڭالىقتى ەستىگەن تىڭدارماندار قازاق جىگىتتەرىنىڭ مارتتىگىنە ريزا بولىپ، ومىرگە ەندى عانا قادام باسىپ جاتقان ءسابيدىڭ ارمانى جوق ەكەنىن ايتىپ جاتىر.