اۋىل شارۋاشىلىعى جەرلەرىن جالعا بەرۋدىڭ حالىقارالىق تاجىريبەسى قانداي؟

 استانا. قازاقپارات - اۋىل شارۋاشىلىعى جەرلەرىن جالعا بەرۋدىڭ حالىقارالىق تاجىريبەسى قانداي؟ تالداۋ بارىسى اۋىل شارۋاشىلىعى ماقساتىنداعى جەر تەلىمدەرىن جەكەمەنشىككە بەرۋ، نەگىزىنەن ەۋروپا ەلدەرىندە ەنگىزىلىپ وتىرعاندىعىن كورسەتتى.

رەسمي دەرەكتەرگە سۇيەنسەك، پولشا، ۆەنگريا، رۋمىنيا جانە بولگاريا ءتارىزدى شىعىس ەۋروپا ەلدەرىندە جەكەمەنشىككە يەلەنۋ قۇقى 3-5 جىلعا دەيىن ساتۋ قۇقىعىنا تىيىم سالا وتىرىپ ەنگىزىلگەن.

مەملەكەت، جەرگە جەكەمەنشىك يەلىكتى قولداي جانە قورعاي وتىرىپ، ونى پايدالانۋ جانە تۇتىنۋدى باقىلاۋ قىزمەتىن وزىنە الادى.

 جەرگە مەنشىك تۋرالى سۇراققا وسى تۇرعىدان كەلۋ، الەمدىك تاجىريبە كورسەتكەندەي، وتە ۇقىپتى جانە قوعام مەن ەكونوميكانى تۇتاستاي العاندا يگىلىكتى بولىپ، سول ارقىلى جەردى تۇراقتى اينالىمعا ءتۇسىرۋدى قامتاماسىز ەتەدى. اۋىل شارۋاشىلىعى ماقساتىنداعى جەر تەلىمدەرىنىڭ جەكە جانە مەملەكەتتىك مەنشىگىن تەڭ قۇقىلى دامىتۋ بەلگيا، شۆەتسيا، رەسەي، يتاليادا بار.

 بەلگيادا جالعا بەرۋ قاتىناسىن رەتتەۋ جەر تەلىمدەرىن ۇتىمسىز جانە ماقساتسىز پايدالانۋدى، جەر يەلىگىندەگى الپاۋىتتاردى بولدىرماۋ ماقساتىندا مەملەكەت ارقىلى جۇزەگە اسىرىلادى. شۆەتسيانىڭ جەرىنىڭ %43- ى نەمەسە 19 ميلليون گ ا جەكەمەنشىكتە، ال قالعان جەرلەر پايدالانۋدا. يتاليادا جەرلەر پايدالانىلىپ، اينالىمدا بولۋى ءۇشىن فەرمەر شارۋاشىلىقتى ءتيىستى دارەجەدە جۇرگىزبەسە، ءتيىمدى قولدانۋشىلارعا جەر تەلىمىن ءماجبۇرلى تارتىپتە جالعا بەرگىزۋ (ساتۋ) قولدانىلادى. ءتۇرلى ساناتتاعى جەردى ماقساتتى پايدالانۋدىڭ قاتال شارتتارى ەنگىزىلگەن، ونىڭ ىشىندە تەرريتوريانى زونالاۋدى ەسەپكە الا وتىرىپ انىقتالاتىن، جەر پايدالانۋدىڭ بەلگىلەنگەن ەرەجەلەرىن بۇزعانى ءۇشىن ەكولوگيالىق سيپاتتاعى سانكسيالار بار.

ماسەلەن، رەسەيدە شەتەلدىكتەرگە جالعا بەرۋ مەرزىمى 49 جىلدى، ال بىرىككەن اراب امىرلىكتەرىندە 99 جىلدى قۇرايدى.