دەنساۋلىق: مونشانىڭ پايداسى

استانا. قازاقپارات - مونشا ەرتە زاماننان سۇلۋلىقتى جانە دەنساۋلىقتى ساقتاۋ ءۇشىن جاقسى قۇرال بولىپ سانالعان.

وندا بوساڭسىپ، شارشاعاندىقتان ارىلۋعا، كوپتەگەن وڭ ەموتسيا الۋعا، ەنەرگيامەن زاريادتالۋعا، جاقسى كوڭىل كۇي جانە تاماشا سەزىم الۋعا بولادى.

مونشا ءبىزدىڭ دەنەمىزدى، جانىمىزدى جانە ميىمىزدى تازالايدى، كەرەك ەمەس ويلاردان جانە قاراما-قايشى نيەتتەردەن ارىلۋ ءۇشىن «سەن مونشاعا بارشى!» دەپ حالىق بەكەر ايتپاعان. مونشا - كوپتەگەن حالىقتاردا قولدانىلاتىن ءارتۇرلى اۋرۋلارمەن كۇرەسۋدىڭ قۋاتتى قۇرالى.

عالىمداردىڭ زەرتتەۋىنە سەنسەك، دۇرىس ۇيىمداستىرىلعان مونشانىڭ پروتسەدۋراسى قارقىندى سپورتتىق جاتتىعۋمەن باسەكەلەستىككە تۇسەتىنىن بەكىتۋگە بولادى. جوعارى تەمپەراتۋرا اسەرىنەن، قان بەلسەنە اينالادى جانە وتتەگىمەن قانىعادى، تازالانادى.

بۋلانۋ ادامنىڭ جۇرەك-تامىرىنا جۇكتەمەنى جوعارىلاتادى، تيىمدىلىگى بويىنشا كارديوجۇكتەمەگە ۇقساس. اتاپ ايتقاندا، ءومىر بەينەسىندە از قوزعالاتىن ادامدار ءۇشىن مونشا ەرەكشە پايدالى.

مونشا جانە الدىن الۋ

 مونشا اعزانى تاماشا تازارتادى جانە بەكىتەدى. مونشا پروتسەدۋراسى - سۋىقتىڭ الدىن الۋدىڭ تاماشا پروفيلاكتيكاسى. اۋانىڭ جوعارى تەمپەراتۋراسى ستەريلدىككە جاقىن ورتانى جاسايدى. سوندىقتان مونشادا، كوپتەگەن كەلۋشىلەر بولسادا، ەشقانداي ءقاۋىپتى باكتەريا بولمايدى.

مونشاعا تۇراقتى بارعاننىڭ پايداسى، تامىرلارعا تاماشا ناتيجەلى اسەرى بار. تەمپەراتۋرانىڭ تەز اۋىسۋىنان، تامىرلار كەڭەيىپ جانە تارتىلادى، سونىمەن بىرگە جۇرەك- تامىرى اۋرۋىنىڭ الدىن الۋ پروفيلاكتيكاسىن جۇزەگە اسىرادى.

مونشا جانە سۇلۋلىق

سۇيكىمدى ايەلدەر، ەشقانداي قىمبات تازالاۋ كوسمەتيكاسى مونشا تيىمدىلىگى بويىنشا باسەكەلەستىككە تۇسە المايدى! بۋ تەرىنىڭ كلەتكالارىن تولىق تازالايدى جانە كەڭەيتەدى. ال مونشانىڭ بىرنەشە پروتسەدۋراسى تەرىنىڭ فيزيولوگيالىق قۇرامىن كوبەيتەدى، قان اينالىمىن جاقسارتادى جانە مايدىڭ اۋىسۋىن رەتتەيدى. سوندىقتان جاقسى بالاما بار كەزدە، پاتەردە ۇيدەگىلەردى قورقىتىپ تازارتاتىن ماسكادا ءجۇرۋدىڭ قاجەتى جوق.

مونشاعا بارعان ۋاقىتتا اعزادان 1,5 ليتر تەرگە دەيىن شىعادى، ولارمەن بىرگە زياندى تۇزدار جانە ت. ب. بۇلشىق ەتتەر سترەستەن جانە قاتتى شارشاۋ سالدارىنان جينالعان ءسۇت قىشقىلىنان ارىلادى. سوندىقتان ءبىز مونشادان كەيىن، كەرەمەت جەڭىلدىكتى سەزىنەمىز.

مونشا پروتسەدۋراسىنان كىمگە ساقتانۋ كەرەك؟

ەگەر ءسىز قاندايدا ءبىر اۋرۋمەن، اسىرەسە سوزىلمالى اۋرۋمەن اۋىراتىن بولساڭىز، مىسالى، گيپەرتونيا، قويانشىق اۋرۋى، قان ازدىعى، گەپاتيت، تەرىنىڭ نەمەسە جىنىس جۇيەسىنىڭ اۋرۋى، ءسىز جۇرەك ۇستاماسىنا شالدىققان نەمەسە وزگەدە جۇرەك اۋرۋىمەن اۋىرعان بولساڭىز - سىزگە مونشاعا بارۋدان اۋلاق بولۋ كەرەك. بىرىنشىدەن، دارىگەرگە بارىپ كەڭەس العانىڭىز ابزال بولار. سونىمەن بىرگە كوڭىلدى كەشتەردەن كەيىن مونشا پرودەدۋراسىنان ۇستانعانىڭىز ءجون بولار. اعزا ىشىمدىكتىڭ اسەرىنەن كەيىن تاعى ءبىر جۇكتەمە ىستىقپەن جۇپتاسا المايدى. مونشاعا بارار الدىندا تومەن كالوريالى (ازداپ جەمىستەردى نەمەسە كوكونىستەردى، ءسۇت ونىمدەرىن) جەۋدى ۇسىنادى.

سىپىرعىش - مونشانىڭ باستى اتريبۋتى

دەنەنى سىپىرعىشپەن جاقسىلاپ وڭدەۋ - قان اينالىمىن جاقسارتاتىن وتە تاماشا ماسساج، قان اينالىمىن، تەر شىعۋدى جانە زات الماسۋىن كۇشەيتەدى. سىپىرعىشپەن قارقىندى سەانس تەرىنىڭ اشىلۋىنا جانە زياندى شلاكتاردى شىعارۋعا اسەر ەتەدى. ءبىراق قولعا تۇسكەن ءبىرىنشى بۇتانى سىپىرعىش دايىنداۋ ءۇشىن قولدانعان دۇرىس ەمەس! ءارتۇرلى اۋرۋلاردان ساقتانۋ ءۇشىن «ءوز» سىپىرعىشىڭدى پايدالانۋعا كەڭەس بەرەمىز. ەڭ تانىمال قايىڭ سىپىرعىشى جۇكتەمەدەن كەيىن پايدا بولعان بۇلشىق ەتتەر جانە بۋىندار اۋىرعان كەزىندە وتە جاقسى كومەكتەسەدى. سونىمەن بىرگە قايىڭ سىپىرعىشى جاراقاتتار جانە جارالار كەزىندە كومەكتەسەتىن انتيسەپتيكالىق قاسيەتتەرىمەن تانىمال. سونىمەن بىرگە قايىڭ سىپىرعىشى مايدا قولقالاردى كەڭەيتەدى، قاقىرىق بولىنۋگە اسەر ەتەدى جانە وكپەنىنىڭ اينالىمىن جاقسارتادى. قايىڭ سىپىرعىشىنان كەيىن جەڭىل دەم الادى! سوندىقتان ول دەمىكپە اۋرۋىمەن اۋىراتىن ادامدار ءۇشىن پايدالى.

ەگەر ءسىزدىڭ تەرىڭىز مايلى بولسا - وندا سىزگە ەمەن سىپىرعىشى كومەكتەسەدى. تەرىڭىز ادەمى جانە سەرپىمدى بولادى. سونىمەن بىرگە ونىڭ سۋىققا قارسى تيىمدىلىگى جوعارى. ونىڭ قانىققان حوش ءيىسى گيپەرتونيكتەرگە وتە پايدالى - ويتكەنى ارتەريا قىسىمىنىڭ كوتەرىلۋىنە جول بەرمەيدى. بۇل سىپىرعىش سترەسكە جاقسى كومەكتەسەدى. اۋىر ەڭبەك اپتاسىنان نەمەسە جانجالدان كەيىن بۇدان اسقان كومەك قۇرالى جوق.

جوكە سىپىرعىشى - سۋىق تيگەن كەزىندە جاقسى دارىگەر. ول باس اۋىرعان كەزىندە ءتيىمدى، سونىمەن قاتار قىزۋدى تۇسىرەتىن جانە ءزارى ايداعىش ءدارى رەتىندە تابىلادى. بۇل سىپىرعىش تەرى ءبولۋدى رەتتەيدى جانە سۋىق تيگەن كەزىندە الماستىرعىسىز.

قىلقان سىپىرعىشى (سامىرسىن، ارشا) تەر شىعارۋدى كۇشەيتەدى. بۇلشىق ەتتەردە جانە ىشكى ورگانداردا قان اينالىمىن تەرەڭ جەدەلدەتۋگە اسەر ەتەدى. ومىرتقاداعى اۋرۋلار، بۋىننىڭ قابىنۋى، راديكۋليتپەن اۋىرعان كەزىندە پايدالانسا بولادى. ونىڭ انتيسەپتيكالىق مۇمكىندىكتەرى رەسپيراتورلار اۋرۋىنىڭ دامۋىنا جول بەرمەيدى.

قالاقايدان جينالعان سىپىرعىش قارقىندى فيزيكالىق جۇكتەمەدەن كەيىن، بۇلشىق ەتتەر جانە بۋىنداردىڭ اۋىرعان كەزىندە وتە پايدالى بولادى.

وسى سىپىرعىشپەن ءوزىڭىزدى جىگەرلەپ ساباڭىز، دەنەڭىزدەگى جاعىمسىز سەزىنۋلەر تۋرالى ۇمىتىپ كەتەسىز. تەك قانا سىپىرعىشتى قولدانۋ الدىندا قايناعان سۋمەن جاقسىلاپ بۋلاۋ كەرەك.

جاڭادان كەلگەندەر ءۇشىن نۇسقاۋلار

بۇل ىستە ەڭ باستىسى - رەتتىلىك. بىردەن جوعارعى قاتارعا شىعىپ جانە قىزۋعا بوي الدىرۋعا بولمايدى. الدىمەن، تومەندەگى قاتاردا وتىرىڭىز، ال بەس مينۋتتان كەيىن جوعارى كوتەرىلىڭىز. جاڭادان كەلگەندەر ءۇشىن بۋدا بولۋ ۋاقىتى بەس مينۋتتان ارتىق بولماۋى ءتيىس، تاجىريبەلى كەلۋشىلەر ءۇشىن - جارتى ساعاتتان ارتىق ەمەس. بۋلانۋمەن بىرگە قوسىمشا پايدانى تۇيمەداعى، كيىكشوپ، ءشايشوپ، ەۆكاليپت، شالفەي شوپتەرىنەن جاسالعان ينگالياتسيا بەرەدى. سونىمەن بىرگە ءوز قالاۋىڭىز بويىنشا ەفير مايىن قولدانۋعا بولادى. حوش يىستەن دەم الىپ جانە ءلاززاتتانىڭىز.

ەسكەرتۋ: مونشاعا تۇسەردە اسقازاندى تولتىرىپ الىپ نەمەسە اشقارىنمەن بارۋعا بولمايدى.

 اقپارات ينتەرنەتتەن الىندى.