تالدىقورعاندا بىرلىك كۇنىنە وراي فلەشموب ۇيىمداستىرىلدى - فوتو
وبلىىس اكىمىنىڭ باسپا ءسوز قىزمەتىنەن حابارلاعانداي، تالدىقورعان قالاسىنىڭ «جاستار» ساياباعىندا ءتۇرلى دياسپورا وكىلدەرى مەن جاستار «قارا جورعا» ءبيىن بيلەپ، مەرەكەنى باستادى.
مەرەكەنى ەتنومادەني بىرلەستىكتەر جالعاستىرىپ، حالىقتىق ونەر تۇرلەرىنەن كورمە ۇيىمداستىردى، بي ۇجىمدارى «دوستىق سيۋيتاسىن» ورىندادى.
الماتى وبلىسىنىڭ اكىمى اماندىق باتالوۆ جينالعانداردى قۇتتىقتادى:
«1 - مامىر - قازاقستان حالقىنىڭ بىرلىگى كۇنىمەن شىن جۇرەكتەن قۇتتىقتايمىن! بۇل مەرەكە ءارقايسىمىز ءۇشىن دە قاستەرلى. بەيبىتشىلىك، تۇراقتىلىق، ۇلتارالىق تاتۋلىق - ءبىزدىڭ مەملەكەتتىگىمىزدىڭ ىرگەتاسى، ءبىزدىڭ بايلىعىمىز. بۇل ەل پرەزيدەنتى - ۇلت كوشباسشىسى نۇرسۇلتان ءابىش ۇلى نازاربايەۆتىڭ جۇرگىزىپ وتىرعان ساياساتىنىڭ باستى باعىتى. وسى تاڭداعان جولىمىزدىڭ ناتيجەسىندە قازاقستان بۇگىندە ءوسىپ، وركەندەپ، الەمدىك قاۋىمداستىقتا زور بەدەلگە يە بولىپ وتىر. بىرلىگىمىزدى ساقتاۋعا، ەتنيكاارالىق كەلىسىمدى نىعايتۋعا ءارقايسىمىز دا ۇلەس قوسۋىمىز كەرەك.
وسى ايتۋلى مەرەكەدە سىزدەرگە مىقتى دەنساۋلىق، شىعارماشىلىق تابىس، باق- بەرەكە تىلەيمىن. «ماڭگىلىك ەل» ۇلتتىق يدەياسىن نەگىزگە الا وتىرىپ، تاۋەلسىز قازاقستانىمىز گۇلدەنىپ، دوستىعىمىز نىعايا بەرسىن. ءبىر شاڭىراق استىندا ورتاق وتانىمىزدىڭ يگىلىگى جولىنداعى ەڭبەكتەرىڭىز جەمىستى بولسىن!» - دەدى اكىم قۇتتىقتاۋ سوزىندە.
مۇنان سوڭ قالا تۇرعىندارى مەن قوناقتارىنا كونتسەرتتىك باعدارلاما مەن «ونەرىم - ءومىرىم» حالىقارالىق فەستيۆالىنىڭ گالا- كونسەرتى ۇسىنىلدى. سونىمەن قاتار تالدىقورعاندىقتار ءۇشىن ساحنادا وسى كۇنى قازاقستان ەستراداسىنىڭ جۇلدىزدارى ءالي وقاپوۆ پەن مارات ءىلياسوۆ ونەر كورسەتتى.
