قىزىلوردا وبلىسىنىڭ اكىمى جەر ماسەلەسىنە قاتىستى ءبىر توپ قوعام بەلسەندىلەرىنىڭ سۇراقتارىنا جاۋاپ بەردى

قىزىلوردا. قازاقپارات - الەۋمەتتىك جەلىلەر ارقىلى سىربويىلىق ءبىر توپ ازامات سوڭعى كەزدە قىزۋ تالقىعا ءتۇسىپ جاتقان جەر ماسەلەسىنە قاتىستى وبلىس اكىمىنىڭ قابىلداۋىن سۇراعان بولاتىن.

 وسىعان وراي ايماق باسشىسى قىرىمبەك كوشەربايەۆ ازاماتتىق قوعام وكىلدەرى، ءبىرقاتار قالا تۇرعىندارىمەن كەزدەستى. بۇل تۋرالى وبلىستىق اكىمدىكتىڭ باسپا ءسوز قىزمەتى حابارلادى.

 وبلىس اكىمى ءسوز بولىپ جاتقان جەر تۋرالى زاڭنىڭ ءجاي- جاپسارىن ءتۇسىندىرىپ، كەزدەسۋگە كەلگەن ازاماتتاردىڭ سۇراقتارىنا ەگجەي- تەگجەي جاۋاپ بەردى.

كەزدەسۋگە كەلگەن ازاماتتار تۇرعىندار اراسىندا جەر ماسەلەسىنە قاتىستى الاڭداۋشىلىق بار ەكەنىن جەتكىزدى. جانە زاڭدى حالىققا ءتۇسىندىرۋ جۇمىستارىن كەڭەيتۋ قاجەتتىگىن ايتتى. سونداي- اق، كەزدەسۋ تاقىرىبى مەن باسقا دا وزەكتى ماسەلەلەرگە قاتىستى ساۋالدارىن قويىپ، ءبىرقاتار ۇسىنىستارىن ورتاعا سالدى.

ايماق باسشىسى ايتىلعان ۇسىنىس- پىكىرلەردى مۇقيات تىڭداپ، وبلىس دەڭگەيىندە شەشۋگە بولاتىن ماسەلەلەرگە قاتىستى ءبىرقاتار مەملەكەتتىك قىزمەتشىلەرگە تاپسىرمالار بەردى. ال، رەسپۋبليكا دەڭگەيىندەگى ارەكەت تالاپ ەتەتىن ماسەلەلەرگە قاتىستى وبلىس اكىمشىلگى بەرىلگەن ۇسىنىستاردى ساراپتاپ، ءتيىستى ورگاندارمەن بىرلەسىپ جۇمىس ىستەيتىندىگىن ايتتى.

 

 اۆتور: ەلۋباي اۋەزوۆ