اقتوبەلىك نۇرلان ساعىنالين: جەر قازاقستاندىقتاردىڭ يگىلىگىنە قىزمەت ەتۋى ءتيىس
«قازىرگى كەزدە قوعامدا جەر ماسەلەسى كەڭىنەن تالقىلانىپ وتىر. بۇل ماسەلە قازىرگى كەزدە عانا ماڭىزدى بولعانى تۋرالى اسەر قالىپتاسادى. ءىس جۇزىندە ول قاشاندا ماڭىزدى بولعان، ءبىراق ادامدار ونىڭ قانداي كاپيتال ەكەنىن ويلاعان جوق. بۇل - اتا- بابالارىمىزدىڭ قان مەن تەرىن توگىپ قول جەتكىزگەن تۋعان جەرىمىز ەكەنى ءسوزسىز. ءبىز ونى ەستە ساقتايمىز. جانە تۋعان جەردىڭ تاعدىرى، ەل تاعدىرى وزىمىزگە بايلانىستى ەكەنىن ءبىلىپ، ونى ساقتاپ قالۋ ءۇشىن بارلىعىن جاسايمىز.
ءبىراق ماسەلە باسقا جەردە جاتىر. جەر - ءبىزدىڭ كاپيتالىمىز، ەل ەكونوميكاسىنىڭ ءبىر بولىگى. ول حالىقتى اسىراۋى، مەملەكەتكە پايدا اكەلۋى جانە ورىندى پايدالانىلۋى ءتيىس. بۇل تۋرالى كوبى ۇمىتىپ كەتەدى.
تاۋەلسىزدىك جىلدارىندا اۋىل شارۋاشىلىعىندا پايدالانىلىپ وتىرعان جەردىڭ كولەمى ميلليونداعان گەكتارعا ازايعانى بەلگىلى. قازىرگى جەردىڭ ۇلكەن اۋدانى بوس تۇر. ال اۋىلشارۋاشىلىق سەكتورعا بۇل جىلدارى ينۆەستور كەلگەن جوق دەپ ايتۋعا بولادى. ءتۇرلى ايماقتارداعى ءبىرلى- جارىم مىسالدار جاعدايدى قۇتقاراتىن ەمەس. شارۋالار ءتۇرلى سەبەپتەرمەن كورسەتىلىپ وتىرعان مەملەكەتتىك قولداۋعا قاراماستان ەكونوميكانىڭ ۇلكەن سەكتورىنا اينالعان جوق. وسى ارادا نارىقتا، سونىڭ ىشىندە الەمدىك نارىقتا اۋىل شارۋاشىلىعى ونىمدەرىنە قاجەتتىلىك اۋىلدىق تاۋار وندىرۋشىلەردىڭ بەلسەندىلىگىن ارتتىرۋ قاجەت ەكەنىن كورسەتىپ وتىر.
جەردى جالعا الۋ - مەملەكەتپەن شارۋاشىلىق قاتىناستاردىڭ كەڭ تارالعان فورماسى جانە «اكتەپ» ج ش س 140 مىڭ گەكتار جەردى جالعا الىپ وتىر. ءبىز جەردى جايىلىم جانە جەمشوپتىك داقىلداردى ءوسىرۋ ءۇشىن پايدالانىپ وتىرمىز. ايتا كەتەيكى، بۇرىن ءبىز 200 مىڭ گەكتاردى جالعا الدىق، ءبىراق جەردى ءتيىمدى پايدالانىپ، 60 مىڭ گەكتاردى مەملەكەت قورىنا قايتاردىق.
جەر كودەكسىندەگى وزگەرىستەر، جالعا بەرۋ مەرزىمىن ءوسىرۋ، شەتەلدىك ينۆەستورلاردىڭ اۋىلشارۋاشىلىق سەكتورىنا قاتىسۋىنا كەلەتىن بولساق، بۇل جەردە ەش قاۋىپ كورىپ تۇرماعانىمدى ايتقىم كەلىپ وتىر. سوڭعى كۇندەرى جەرگە بايلانىستى اجيوتاجدى بۇل ماڭىزدى ماسەلەدە الدىن الا ءتۇسىندىرۋ جۇمىسى جۇرگىزىلمەگەنىمەن بايلانىستىرىپ وتىرمىن. ول قازىر دە قاجەت. زاڭدى تاعى ءبىر رەت تالداپ شىعىپ، جەردى شەتەلدىك مەملەكەتتەردىڭ جەكەمەنشىگىنە بەرۋدىڭ از دا بولسا مۇمكىندىگىن جويىپ تاستاۋ كەرەك دەپ ويلايمىن. جانە، سونىمەن قاتار، جەردىڭ پايدالانىلۋىن، ونىڭ جاعدايىن باقىلاۋ مەحانيزمى پارمەندى بولىپ، اشىق ءارى ءادىل جۇمىس ىستەگەنى ءجون»، - دەدى ول.
