جەر كودەكسىنە ەنگىزىلگەن تۇزەتۋلەر اۋىل شارۋاشىلىعى جەرلەرىن الۋ راسىمدەرىن جەڭىلدەتۋگە مۇمكىندىك بەرەدى - ساراپشى

 استانا. قازاقپارات - جەر كودەكسىنە ەنگىزىلگەن تۇزەتۋلەر اۋىل شارۋاشىلىعى جەرلەرىن الۋ راسىمدەرىن جەڭىلدەتۋگە مۇمكىندىك بەرەدى، دەدى «اۋىل شارۋاشىلىعى ماقساتىنداعى جەرلەردى جەكەشەلەندىرۋ: ەرەكشەلىكتەرى جانە ءتۇسىندىرۋ پروبلەمالارى» اتتى دوڭگەلەك ۇستەلدە حالىقارالىق جەر جانە ەكولوگيالىق قۇقىق ساراپشىسى باقىتجان بازاربەك.

 «تۇزەتۋلەردىڭ ەكىنشى باعىتى - اۋىل شارۋاشىلىعى ماقستاتىنداعى جەرلەردى الۋ جانە پايدالانۋ راسىمدەرىن جەڭىلدەتۋ» ، - دەدى ب. بازاربەك.

ونىڭ پىكىرىنشە، شەتەلدىكتەردىڭ جەردى 10 -جىلعا جالعا الۋعا مەرزىمى اۋىل شارۋاشىلىعى جەرلەرىن پايدالانۋعا جەتكىلىكسىز بولدى، دەپ جازادى primeminister.kz.

«شەتەلدىك ينۆەستور بىزگە اقشامەن كەلەدى. قازاقستان شولگە اينالۋ دەڭگەيى ۇلتتىق اۋماقتىڭ %71 قامتىعان بەس ەلدىڭ قاتارىنا ەنگەندىگىن ەسكەرۋ قاجەت. كليماتتىق جاعداي اۋىل شارۋاشىلىعى ونىمدەرىن تۇراقتى الۋعا مۇمكىندىك بەرمەيدى» ، - دەپ ءتۇسىندىردى ول.

ساراپشى ايتىپ وتكەندەي، اۋكسيوندار ارقىلى جەرلەردى ۋاقىتشا پايدالانۋعا وتكىزۋ - الەمدە كەڭىنەن تاراعان پراكتيكا.

«جەر كودەكسىنە ەنگىزىلەتىن تۇزەتۋلەر كەم دەگەندە كەلەسى باعىتتاردى جۇزەگە اسىرۋعا باعىتتالعان. ءبىرىنشىسى - اۋىل شارۋاشىلىعى ماقساتىنداعى جەرلەردى جەكە مەنشىككە بەرۋگە ىنتالاندىراتىن جاڭا تەتىكتەردى ەنگىزۋ. چەحيا، سلوۆاكيا، پولشا سياقتى ەلدەر ۆارشاۆا كەلىسىمى قۇلاعاننان كەيىن اۋكتسيونداردى ەنگىزدى. ءبىز بۇل ۋاقىتتى جەر قاتىناستارىنا جەكە مەنشىك ينستيتۋتىن ەنگىزۋدىڭ نۇكتەلىك تەتىكتەرى ارقىلى ەسەسىن تولتىرامىز» ، - دەدى ساراپشى.