وزگە ۇلت وكىلدەرى اباي وقۋلارىنىڭ بايقاۋىنا قاتىستى - قىزىلوردا وبلىسى

قىزىلوردا. قازاقپارات - قازالى اۋدانىندا اباي شىعارمالارىن ناسيحاتتاۋ ارقىلى قازاق ءتىلى مەن مادەنيەتىنە دەگەن ەتنوس وكىلدەرىنىڭ ىقىلاسىن ارتتىرۋ ءارى ەلىمىزدىڭ رۋحاني بىرلىگىن نىعايتۋ ماقساتىندا وزگە ۇلت وكىلدەرى اراسىندا اباي وقۋلارىنىڭ بايقاۋى وتكىزىلدى.

بۇل تۋرالى قازالى اۋداندىق اكىمدىگىنىڭ باسپا ءسوز قىزمەتى حابارلادى.

بايقاۋعا قاتىسقان 10 عا تارتا ۇلت وكىلدەرى ابايدىڭ ءبىلىم، عىلىم جانە ونەر تاقىرىپتارىنا بايلانىستى پوەزيالىق شىعارمالارى مەن قارا ءسوزىن مانەرلەپ وقۋدان، «اباي جولى» رومانىنان ءۇزىندىنى كوركەم شەبەرلىكپەن جاتقا ورىنداۋدان جانە ابايدىڭ اندەرىن ورىنداۋدان سىنعا تۇسكەن.

ناتيجەسىندە 266№ مەكتەپ-ليتسەيدىڭ 9-سىنىپ وقۋشىسى پان نيكولاي باس جۇلدەنى جەڭىپ الىپ، وبلىستىق بايقاۋعا جولداما الدى. وزگە جەڭىمپازدار العىس حاتتارمەن، باعالى سىيلىقتارمەن ماراپاتتالدى.

اۆتور: ەلۋباي اۋەزوۆ