تۋرەتسكي حورىنا «حالىق كاراوكەسى» يدەياسىن ن. نازاربايەۆ ۇسىنعان - فوتو

قاراعاندى. قازاقپارات - ن. نازاربايەۆ تۋرەتسكي حورىنا «حالىق كاراوكەسى» يدەياسىن ۇسىنعان.

ق ر پرەزيدەنتى ن. نازاربايەۆ تۋرەتسكي حورىنا تەمىرتاۋدا وتكەن مەرەكەلەردىڭ بىرىندە «حالىق كاراوكەسى» يدەياسىن ۇسىنعان. بۇل تۋرالى رەسەيدىڭ حالىق ءارتىسى، اتاقتى حور ۇجىمنىڭ باسشىسى ميحايل تۋرەتسكي ءمالىم ەتتى.

«حالىق كاراوكەسى يدەياسى قالاي تۋدى؟ سىزدەردىڭ پرەزيدەنتتەرىڭىزبەن ءان ايتۋ مۇمكىندىگىنە بىرنەشە رەت يە بولدىق. نۇرسۇلتان ءابىش ۇلى ءان سالعاندى جاقسى كورەدى جانە تاماشا ايتادى. مىسالى، تەمىرتاۋداعى مەرەكەلەردىڭ بىرىندە ءبىز نازاربايەۆپەن «زارەچنىي كوشەسىندەگى كوكتەم» كينو فيلمىندەگى ءاندى ورىندادىق. قازاقستاندا بۇل ءاندى جاقسى كورەتىنىن ۇقتىق. نۇرسۇلتان ءابىش ۇلى سول كەزدە، بۇل اندەردى حالىقپەن بىرگە ورىنداۋ قاجەتتىگىن ايتقان بولاتىن»، - دەدى م. تۋرەتسكي قاراعاندىدا وتكەن باسپا ءسوز ءماسليحاتىندا.

تۋرەتسكي حورى 29- ساۋىردە تاڭەرتەڭ شاحتەرلەر قالاسىنا كەلدى. قاراعاندىلىقتار ەلدە ءبىرىنشى بوپ «ءان مەرەكەسى» ۇجىمىنىڭ جوباسىنا قاتىستى. كەشكە ورتالىق ساياباق جاعالاۋىندا تەگىن كونسەرت ۇيىمداستىرىلادى.

«بىزدە «حالىق كاراوكەسى» دەگەن ونەر بار. بۇل ۇلكەن اۋديتوريا جينالعان كەزدە بولادى. العاش رەت مۇنداي مەرەكەنى «پوكلوننايا گورا» جارتاسىندا وتكىزدىك. سوندا حالىقپەن ءان ايتۋ ءبىزدىڭ تاقىرىبىمىز ەكەنىن ۇقتىق»، - دەپ اتاپ ءوتتى م. تۋرەتسكي. - رەسەيدە مۇنداي ءان مەرەكەسى ونشاقتى رەت ۇلكەن جانە شاعىن قالالاردى وتكىزىلدى. مىنە ەندى قازاقستانعا كەلدىك. ءبىزدىڭ بۇل تۋرىمىز قازاقستان حالىقتارى بىرلىگى كۇنىنە تۋرا كەلىپ وتىر».

«ءان مەرەكەسى» قازاقستاننىڭ بەس قالاسىندا وتكىزۋ جوسپارلانعان: 29- ساۋىردە - قاراعاندىدا، 30- ساۋىردە - وسكەمەندە، 1- مامىردا - الماتىدا، 2- مامىردا - شىمكەنتتە، 6- شىلدەدە - استانادا.