وتاندىق جۋرناليست تۇرمىسقا نەگە شىقپاعانىن سۇراي بەرەتىندەرگە اشۋلاندى
«حال- جاعداي سۇراسقاننان كەيىن ماعان مىندەتتى تۇردە قويىلاتىن سۇراقتاردىڭ ءبىرى «تۇرمىسقا قاشان شىعاسىڭ؟... كۇنىنە مىندەتتى تۇردە بىرەۋ سۇراماسا، «جاتقان جەرى جايلى» بولمايتىن سياقتى. بۇل سۇراقتىڭ مادەنيەتسىز ەكەندىگىن سول ادامدار بىلەدى مە ەكەن؟ ەرتەڭ تۇرمىسقا شىقسام نە سۇرايدى؟ «قاشان بالا كوتەرەسىڭ؟» دەمەسە بولدى. ال ۇزاق كوتەرمەي جۇرسەم، «كۇيەۋىڭمەن بىرگە قوناسىڭ با؟» دەپ تەرگەيدى مە ەكەن؟ اماندىق سۇراسقان جاقسى. ءبىراق قىز بالادان «نەگە تۇرمىستا ەمەسسىڭ» دەپ سۇراۋ ۇياتتى»، - دەپ ءسوزىن باستادى ول.
جۋرناليستىڭ پىكىرىنشە مۇنداي ىڭعايسىز سۇراققا جاۋاپتىڭ تەك ەكى نۇسقاسى عانا بار.
«ونىڭ وزىندە ەكى عانا ۆاريانت جاۋاپ بار (ميلارى سوعان جەتپەسە): 1. ەشكىم ۇسىنىس جاسامادى (ۇسىنىس جاسادى، ءبىراق ول ماعان ۇنامايدى. ءبارى وسىنىڭ ىشىنە كىرىپ كەتەدى. سەبەبى ءبىز قالاعان ادام ۇسىنىس ايتقان جوق)؛ 2. ۇسىنىس ايتىلدى، تويعا دايىندىق ۇستىندە. (ءبىراق ءبىراز اڭگىمەلەسسە، ونداي جاڭالىقتى قىز بالا ءوزى دە ايتادى)؛ ءۇشىنشى ۆاريانتتار دا بار: «كارەرا جاسايمىن، پوكا جاسپىن عوي، جاقسى جىگىت جوق، مەن كۇيەۋگە شىعۋعا اسىقپايمىن، مەن ءالى وعان دايىن ەمەسپىن جانە ت. ب. سىلتاۋلار. ءبارى سول ءبىرىنشى سەبەپكە كەلىپ تىرەلەدى»، - دەيدى ول.
ەرماعامبەتوۆا ايەلدەردىڭ دەنى ەشكىم ۇسىنىس جاساماعاندىقتان تۇرمىسقا شىقپاي جۇرگەنىن ءسوز ەتتى.
«كونكرەتنو ەشكىم «قاتىنىم بول!» دەپ قولى مەن وكپەسىن، سورري، قولى مەن جۇرەگىن ۇسىنعان ەمەس. ايتپەسە، ەتەگىن تۇرە قۋىپ الىپ، قۋانا- قۋانا ءتيىپ الار ەدى (سەبەبى كەز- كەلگەن ادام جالعىزدىقتان قورقادى! ءبارى قورقادى. پروستو كەيبىرەۋلەرىنىڭ ايتۋعا دۋحى جەتپەيدى). ال مەن... مەن دە شايتان ەمەسپىن. كورگە جالعىز كىرسەم دە، ومىردە بىرەۋمەن قول ۇستاسىپ جۇرگەندى قالايمىن. مادەنيەتتى سۇراقتارىڭىز بار ما؟»، - دەپ ويىن ءتۇيدى جۋرناليست.
zhambylnews.kz
