كەرەك كەڭەس: قان قىسىمىن ءدارىسىز ءتۇسىرۋ جولدارى

استانا. قازاقپارات - جوعارى ارتەريالىق قىسىم كوپ جاعدايدا سۋسامىرمەن (ديابەت) بىرگە جۇرەدى. شامامەن ءۇش ەرەسەك ادامنىڭ ەكەۋى سۋسامىرمەن اۋىرىپ، گيپەرتونيا (قان قىسىمىنىڭ ارتۋى) قاتار كەزدەسەدى.

ەكى جاعداي دا ينفاركت، ينسۋلت جانە كوز بەن بۇيرەك اۋرۋىنىڭ بولۋ ىقتيمالدىعىن ارتتىرادى. تومەندە ارتەريالىق قىسىمدى تومەندەتۋدىڭ بىرنەشە جولىن كورسەتەمىز، دەپ جازادى massaget.kz.

قانداعى قانت دەڭگەيى سەكىلدى ارتەريالىق قىسىم دا كۇنى بويى تەڭسەلىپ تۇرادى. قالىپتى كورسەتكىش 120/80 mm/Hg،  الايدا، ودان ءسال جوعارى بولسا، قورقۋدىڭ قاجەتى جوق. گيپەرتونيا - 140/90 كورسەتكىشىنەن دە جوعارى قىسىم. ەگەر ءسىزدىڭ كۇندەلىكتى ارتەريالىق قىسىمىڭىز جوعارى بولسا، دارىگەر ءدارى جازىپ بەرمەس بۇرىن سىزدەن ءومىر ءسۇرۋ سالتىڭىزدى وزگەرتۋدى سۇرايدى.

 1.  تۇز مولشەرىن ازايتۋ

ەگەر ادامدار كۇنىنە 1,5 گ ناترييدەن (3-4 گ تۇز) ارتىق قولدانباسا، جىل سايىن ارتەريالىق قىسىمى جوعارى ادامدار سانىن ميلليونعا دەيىن ازايتۋعا بولاتىن ەدى.

2. كۇيزەلىستى ازايتۋ

كوپتەگەن زەرتتەۋلەر بويىنشا كۇيزەلىس دەڭگەيىن ازايتۋ ارتەريالىق قىسىمدى دا تومەندەتەدى ەكەن. زەرتتەۋلەردىڭ ناتيجەسى بويىنشا، كۇنىنە 30 مينۋت تىنىشتاندىراتىن ءان تىڭداعاننىڭ ءوزى ارتەريالىق قىسىمدى تۇسىرۋگە كومەكتەسەدى.

3. ىشىمدىكتى توقتاتۋ

ادامدار ىشىمدىكتى ازايتقان كەزدە ولاردىڭ قىسىمى تومەندەي باستايدى. ەگەر ءسىزدىڭ ارتەريالىق قىسىمىڭىز جوعارى بولىپ، ىشىمدىك ىشەتىن بولساڭىز، مىندەتتى تۇردە دارىگەرگە كورىنىڭىز.

4. كالي مولشەرىن كوبەيتۋ

 ديەتولوگتاردىڭ ۇسىنىسى بويىنشا، ەرەسەك ادامدارعا كۇنىنە  4700 م گ كاليي جانە  2300 م گ ناتريي تۇتىنۋ كەرەك. الايدا ادامداردىڭ كوپشىلىگى كەرىسىنشە ىستەيدى، ياعني كۇنىنە كاليگە قاراعاندا ەكى ەسە كوپ ناتري قولدانادى. كالي مولشەرى جوعارى ازىق- تۇلىكتەردى جەۋ ارقىلى قىسىمدى تومەندەتۋگە بولادى. كاليگە باي تاعامدارعا سويا بۇرشاعى، كونسەرۆىلەنگەن بۇرشاق، قىزاناق پاستاسى، ساۋمالدىق (شپينات)، ۇرمە بۇشاق (فاسول) جانە جاسىمىق (چەچيەۆيتسا) جاتادى.

5. ماگني مولشەرىن جەتكىلىكتى تۇردە قولدانۋ

 ماگنيگە باي تاعامداردى قولدانۋ قان قىسىمىن باقىلاۋدا جاقسى كومەكتەسەدى. اعزادا ماگنيدىڭ از بولۋى ينسۋلتكە اكەلىپ سوعۋى ابدەن مۇمكىن. ماگني مولشەرى كوپ تاعامدارعا كەبەك، بادام، جاڭعاق (فۋندۋك)، ساۋمالدىق جانە ءسۇت جاتادى.

6. ءسۇت تۋرالى ۇمىتپاۋ

كالتسييگە باي ءسۇت جانە باسقا دا ءسۇتتى تاعامداردىڭ قىسىمدى تۇسىرۋدە تيىمدىلىگى دالەلدەگەن. ۇسىنىلاتىن كۇندىزگى قالىپتى قالتسيي مولشەرى 1000-1200 م گ قۇرايدى. ول ءسۇتتى 250 مل ستاقانمەن 3-4 رەت ءىشۋ دەگەندى بىلدىرەدى. كالتسيگە باي باسقا دا تاعامدارعا يوگۋرت، بروككولي جانە ورامجاپىراق جاتادى.

7. كارتوپ جەۋ

ازداپ بولسا دا كارتوپ جەۋ كەرەك. سەبەبى كارتوپ كاليگە باي بولۋىمەن بىرگە، ونىڭ قۇرامىندا قىسىمدى تومەندەتەتىن كوكوامين دەگەن زات بار.