بەلگياداعى «شتالاگ» كونسلاگەرىندە بولعان تۇتقىنداردىڭ ىشىندەگى قازاقستاندىقتار ءتىزىمى - فوتو
بار قۇجاتتاردى جانە بەلگيا اۋماعىندا ەكىنشى دۇنيەجۇزىلىك سوعىستا قازا تاپقان كەڭەس اسكەرى تۇتقىندارى مەن پارتيزانداردىڭ جەرلەنگەن ورىندارىن زەردەلەۋ قورىتىندىسى بويىنشا نەمىس لاگەرىندە بولعان قازاقستاندىق التى تۇتقىن جايلى بەلگىلى بولدى.
1941-1942 -جىلدارى ءبىزدىڭ وتانداستارىمىز گيتلەرشىلەرگە تۇتقىنعا تۇسكەن. ولار مىڭداعان كەڭەس تۇتقىندارىمەن بىرگە بەلگيا كومىر ونەركاسىبى نىساندارىندا ءماجبۇرلى جۇمىستارعا جەگىلىپ، ۇلى جەڭىستى كورمەي كەتتى.
ولاردىڭ بارلىعى نەمىستەردىڭ كەڭەس وداعىنا شابۋىلداۋ الدىندا قۇرىلعان «شتالاگ» (نەم. Stammlager (نەگىزگى لاگەر) ) تۇرىندەگى كونسلاگەردىڭ سوراقى جۇيەسىنە تاپ بولدى.
بيسەنوۆ نۇردادىم بيسەن ۇلى، 1908 -جىلى تۋىلعان، قىزىلوردا وبلىسى قازالى اۋدانىنىڭ تۋماسى، 974 -اتقىشتار پولكىنىڭ اسكەرى، روستوۆ قالاسىنىڭ ماڭىندا 1942 -جىلى 27 -شىلدەدە تۇتقىنعا ءتۇستى، «شتالاگ» IV- B كونسلاگەرىنە جىبەرىلىپ، 1944 -جىلعى 30 -مامىردا قازا تاپتى. ليمبۋرگ پروۆينتسياسى، گەنك قالاسىندا زيراتتا جەرلەنگەن.
لياحوۆسكي ۆاسيلي تاراسوۆيچ، 1907 -جىلى تۋىلعان، و ق و لەڭگىر اۋدانى (تولە ءبي اۋدانى) ەگوريەۆكا اۋىلىنىڭ تۋماسى، 519 -اتقىشتار پولكىنىڭ اسكەرى، ستاروبەلسك قالاسى اۋدانىندا 1942 -جىلى 12 -شىلدەدە تۇتقىنعا ءتۇسىپ، «شتالاگ» IV- B كونسلاگەرىنە جىبەرىلدى، 1944 -جىلعى 9 -قاڭتاردا قايتىس بولدى، ليمبۋرگ پروۆينسياسىنىڭ كۋرسەل قالاسىنداعى زيراتقا جەرلەندى.
ناليۆايكو نيكولاي ۆاسيليەۆيچ، 1922 -جىلى تۋعان، الماتى وبلىسىنىڭ تۋماسى، حاركوۆ قالاسى جاعىندا 1942 -جىلعى 24 -مامىردا تۇتقىنعا ءتۇسىپ، «شتالاگ» IV- B كونسلاگەرىنە جىبەرىلدى، 1942 -جىلعى 8 -جەلتوقساندا قازا تاپتى، ليمبۋرگ پروۆينتسياسىنىڭ لانكلاار زيراتىندا جەرلەنگەن.
سكريننيكوۆ دميتري ۆاسيليەۆيچ، 1907 -جىلى تۋىلعان، الماتى وبلىسى اندرەيەۆكا اۋىلىنىڭ (بۇرىنعى قابانباي) تۋماسى، 467 -اتقىشتار پولكىنىڭ سەرجانتى، 1942 -جىلعى 28 -ماۋسىمدا تۇتقىنعا ءتۇسىپ، «شتالاگ» IV- B كونسلاگەرىنە جىبەرىلدى، 1943 -جىلعى 10 -مامىردا قازا تاپتى، ليمبۋرگ پروۆينسياسىنىڭ لانكلاار زيراتىندا جەرلەنگەن.
ۋاليەۆ توعايباي ءۋالي ۇلى، 1905 -جىلى تۋىلعان، سەمەي تۋماسى، 795 -اتقىشتار پولكىنىڭ قىزىل اسكەرى، شاحتى قالاسى (روستوۆ وبلىسى) اۋدانىندا 1942 -جىلى 21 -شىلدەدە تۇتقىنعا ءتۇسىپ، «شتالاگ» IV- B كونسلاگەرىنە جىبەرىلدى، 1944 -جىلعى 20 -ساۋىردە قازا بولدى. ليمبۋرگ پروۆينتسياسىنىڭ گەنك زيراتىنا جەرلەندى.
يانكوۆ دميتري پاۆلوۆيچ، 1931 -جىلى تۋىلعان، ش ق و تۋماسى، 81 -اتقىشتار پولكىنىڭ قىزىل اسكەرى، لۋبنى قالاسىنىڭ (پولتاۆسكيي وبلىسى) ماڭىندا 1941 -جىلى 22 -قىركۇيەكتە تۇتقىنعا ءتۇسىپ، «شتالاگ» VI- ك كونتسلاگەرىنە جىبەرىلدى، 1943 -جىلعى 22 -قاڭتاردا كوز جۇمدى، ەنو پروۆينسياسىنىڭ فلەرۋس زيراتىندا جەرلەندى.
