ق ر پرەزيدەنتىنىڭ «التىن ساپا» سىيلىعىنا بايقاۋ جاريالاندى
قازاقستان رەسپۋبليكاسى پرەزيدەنتىنىڭ «التىن ساپا» سىيلىعىن الۋعا ارنالعان كونكۋرس جانە «قازاقستاننىڭ ۇزدىك تاۋارى» رەسپۋبليكالىق كورمە-كونكۋرسى تۋرالى قازاقستان رەسپۋبليكاسى پرەزيدەنتىنىڭ 2006 -جىلعى 9 -قازانداعى №194 جارلىعىنا سايكەس كونكۋرستار جىل سايىن وتكىزىلەدى.
كونكۋرستارعا مەملەكەتتىڭ قاتىسۋ ۇلەسى %50 دان اساتىن ۇيىمداردى، سونداي-اق وزدەرىنە قاتىستى بەلگىلەنگەن تارتىپپەن وڭالتۋ جانە بانكروتتىق تۋرالى قازاقستان رەسپۋبليكاسىنىڭ زاڭناماسىندا كوزدەلگەن راسىمدەردى جۇزەگە اسىرۋ تۋرالى شەشىمدەر قابىلدانعان ۇيىمداردى قوسپاعاندا، قازاقستان رەسپۋبليكاسىنىڭ اۋماعىندا تاۋارلار وندىرۋمەن (قارۋ-جاراق پەن اسكەري تەحنيكا ءوندىرۋدى قوسپاعاندا)، قىزمەتتەر كورسەتۋمەن اينالىساتىن دارا كاسىپكەرلەر مەن زاڭدى تۇلعالار (بۇدان ءارى - كونكۋرسقا قاتىسۋشىلار) قاتىسا الادى.
كونكۋرستارعا قاتىسۋعا نيەت بىلدىرگەن تۇلعالار 2016 -جىلعى 1 -شىلدەگە دەيىن قازاقستان رەسپۋبليكاسى پرەزيدەنتىنىڭ «التىن ساپا» سىيلىعىن الۋعا ارنالعان كونكۋرسقا قاتىسۋشىلاردىڭ ماتەريالدارىن رەسىمدەۋدىڭ، ۇسىنۋدىڭ جانە الدىن الا باعالاۋدىڭ قازاقستان رەسپۋبليكاسىنىڭ ۇكىمەتى بەكىتكەن ەرەجەلەرىنە سايكەس ءوتىنىم مەن ماتەريالداردى (ەسەپتەردى) تاپسىرادى.
تولىق اقپاراتپەن www.altynsapa.kz سايتىندا تانىسۋعا بولادى، دەپ حابارلايدى استانا قالاسى كاسىپكەرلەر پالاتاسىنىڭ باسپا ءسوز قىزمەتى.
