ۆيتسە-مينيستر «ارسەلورميتتال تەمىرتاۋدى» سىنعا الدى

قاراعاندى. قازاقپارات - «ارسەلورميتتال تەمىرتاۋ» كومپانياسى «بۇگىنگى كۇنمەن عانا» ءومىر سۇرۋدە، دەپ سانايدى ق ر ينۆەستيتسيا جانە دامۋ ۆيتسە-ءمينيسترى البەرت راۋ.

«ارسەلورعا» ەلەۋلى سۇراق بار. شاعىن مەتاللۋرگيا دامىپ كەلەدى، ال ەندى مىنا الپاۋىتپەن نە ىستەۋگە بولادى! «ارسەلور» ۇكىمەتتى جانە ءبىزدىڭ ءبارىمىزدى ۇنەمى بوپسالاي المايدى. كەزەڭى كەلگەندە، ەشقاندايدا دا مەملەكەتتى قولداۋ وعان كومەكتەسە المايدى. سوندىقتان «ارسەلوردىڭ» جاڭا باسشىلىعى (1 -مامىردان «ارسەلورميتتالدى تەمىرتاۋدىڭ باس ديرەكتورى بولىپ، پارامجيت كالون - تاعايىندالدى) ەلەۋلى قاتەرلەرگە جاۋاپ بەرەتىن بولادى»، دەدى ول «Karaganda Invest-2016»  التىنشى حالىقارالىق ينۆەستيتسيالىق فورۋمىندا سويلەگەن سوزىندە.

ۆيتسە-مينيستر بايانداماسىندا ءتۇستى جانە قارا مەتاللۋرگياداعى الەمدىك ترەندتەرگە توقتالدى. تالداماشىلاردىڭ ەسەپتەۋلەرى بويىنشا، 2030 -جىلعا قاراي بولاتتى تۇتىنۋ 30 پايىزعا، مىس - 70 پايىزعا، اليۋمينيي 50 پايىزعا، مىرىش 70 پايىزعا وسەدى دەپ بولجامدالۋدا.

«جاسىل ەكونوميكا» تالاپتارىنا بايلانىستى ۇدەرىستەردى قاراپ ءوتۋ قاجەت. ەڭبەك ونىمدىلىگى مەن ەلەكتر قاجەتسىنۋ جاعىنان ءبىز باسەكەگە قابىلەتتىمىز. ەنەرگيا تۇتىنۋ جونىنەن ءبىز مەجە بەلگىلەپ، قارا مەتاللۋرگيانىڭ جاعدايى نەشىك بولاتىنىن اتاۋىمىز قاجەت» - دەپ اتاپ كورسەتتى ا. راۋ.