20:54, 26 - ءساۋىر 2016 | GMT +5
قولتىراۋىن ۇيىقتاپ جاتقان تۋريستىڭ شاتىرىنا كىرىپ كەتتى
استانا. قازاقپارات - پيتەر روزۆەلل جانۇياسىمەن بىرگە اۆستراليانىڭ سولتۇستىگىندەگى پالم-كريك وزەنىنىڭ جاعالاۋىندا دەمالعان.
ونىڭ ايتۋىنشا، تۇندەردىڭ بىرىندە ول شاتىردا اياعىن بىرەۋ تارتقىلاپ جاتقانداي سەزىنىپ، ويانىپ كەتتى.
ويانعان تۋريست اياعىنان تىستەگەن، «ۇزىندىعى ءۇش نە ءتورت مەتردەي» قولتىراۋىندى كوردى.
روزۆەلل قولتىراۋىننىڭ سويداق تىستەرىنىڭ قۇرساۋىنان قۇتىلىپ، ونى وزەنگە قايتا قۋىپ جىبەرگەن. ءبىراق ونىڭ مۇنى قالاي جاساعانى حابارلانباي وتىر.
قولتىراۋىننىڭ تىستەۋى تۋريستىڭ ومىرىنە قاۋىپ توندىرەرلىكتەي بولماعان، دەپ جازدى BBC.
