مارالتاي رايىمبەك ۇلىنىڭ «ماڭگىلىك ەل» ولەڭى قازاقستان پرەزيدەنتىنىڭ كوڭىلىنەن شىقتى
«اسا مارتەبەلى نۇرسۇلتان اعا! ءسىزدى بۇكىل الەم بارشا قازاقستان حالقىنىڭ اكەسى رەتىندە تانيدى. «نۇرلى جولمەن» ماڭگىلىككە بەت العان ۇلى كوشىمىز ماڭگىلىك توقتاماسىن، دەگەن نيەتپەن مەن ءوز ويىمدى جىر جولدارىمەن ساباقتاعىم كەلەدى.
ماڭگىلىك ەل - ارمانىمنىڭ اسقارى،
ماڭگىلىك ەل - باقىتىمنىڭ باستاۋى.
ماڭگىلىك ەل - تاريحىمنىڭ داستانى،
ماڭگىلىك ەل نۇرلى جولعا باستادى.
ماڭگىلىك ەل - مەنىڭ اپپاق مۇراتىم،
بولاشاققا نۇرىن شاشىپ تۇراتىن.
ماڭگىلىك ەل - نۇرلى جولى قازاقتىڭ،
بار الەمگە مويىنداتار قۋاتىن.
ماڭگىلىك ەل - شەجىرەسى دالامنىڭ،
ماڭگىلىك ەل - اق تىلەۋى انامنىڭ.
ماڭگىلىك ەل - ماڭگىلىككە امانات،
ماڭگىلىك ەل - نۇرلى جولى بابامنىڭ.
ماڭگىلىك ەل - بەيبىت ءومىر اۋەنى،
ماڭگىلىك ەل ەڭ ادامداي ادەمى.
ماڭگىلىك ەل - تاۋەلسىزدىك تىرەگى،
ماڭگىلىك ەل - بۇكىل حالىق تىلەگى.
ماڭگىلىك ەل نۇر اعامنىڭ تىلەگى،
نۇر اعامدى بۇكىل الەم بىلەدى.
قازاق ەلى بەيبىتشىلىك تىرەگى،
نۇر اعامنىڭ نۇر جولىمەن جۇرەدى»، - دەدى اقىن.
«جارايسىڭ، مارالتاي، امان بول! قاتىردىڭ بۇل جولى. مىنانى گازەتكە بەرەيىك. ءبىراق نۇر اعا دەگەندى الىپ تاستايىق»، - دەپ ازىلدەدى ەلباسى اقىنعا قاراتا.
