ەلباسى: ۇشتىلدىلىك ءبىزدىڭ بالالارىمىز ءۇشىن اسا قاجەت
«مەن بالالاردى كىشكەنتاي كەزىنەن ۇيرەتۋ قاجەت دەگەنگە تولىعىمەن كەلىسەمىن. ۇشتىلدىلىك - ءبىزدىڭ بالالارىمىز ءۇشىن اسا قاجەتتىلىك. ولار مەملەكەتتىك ءتىلدى ءبىلۋى ءتيىس، ال ورىس ءتىلى - قارىم- قاتىناس ءتىلى، اعىلشىن ءتىلى بولسا، الەمدىك ءتىل، الەمدىك عىلىم، يننوۆاتسيا مەن ينتەرنەت ءتىلى»، - دەدى مەملەكەت باسشىسى.
ەلباسى ءوز سوزىندە مەكتەپتىڭ ءبىلىم باعدارلاماسىنا ۇشتىلدىلىكتى ەنگىزۋ بالالاردى بولاشاققا دايىنداۋدىڭ العاشقى قادامى سانالاتىنىن باسا ايتتى.
«الەمدە قانداي ءتىل باسىمدىققا يە بولاتىنىن كىم بىلەدى؟ ايتپاقشى، ەكىنشى ورىندا ادام سانى بويىنشا قىتاي ءتىلى تۇر. مۇمكىن، ءبىر ۋاقىتتاردا ونى دا وقۋعا تۋرا كەلەر. بىلمەيمىن، مۇمكىن 1,2 ميلليارد ادام قولداناتىن ءۇندىس ءتىلى العا شىعار. ءبىراق، قازىرگى ۋاقىتتا العا قاراي ىلگەرىلەۋ ءۇشىن، ءبىلىمدى بولۋ ءۇشىن، جاس ادامنىڭ قالىپتاسۋى ءارى ءوزىن، وتباسىن قامتاماسىز ەتىپ، بالالارىنا ءتالىم- تاربيە بەرۋ ءۇشىن اعىلشىن ءتىلى كەرەك»، - دەدى ن. نازاربايەۆ.
اۆتور: مارلان جيەمباي
