ەلباسى ۇلتشىلدىق ماسەلەسىنە قاتىستى پىكىر ءبىلدىردى
سەسسيا «تاۋەلسىزدىك. كەلىسىم. بولاشاعى ءبىرتۇتاس ۇلت» كۇن تارتىبىمەن اشىلعان بولاتىن.
«ەگەر بىرەۋ بىرەۋدەن ارتىقپىن دەپ ايتا باستاسا بۇل نە بولادى؟ جاڭىلماسام، ۆيكتور گيۋگو «ۇلتشىلدىق - بۇل جەكسۇرىنداردىڭ ەڭ سوڭعى بارىپ تىعىلاتىن، باس ساۋعالايتىن جەرى» دەگەن ەدى. ياعني، ومىردە ءوز ورنىن تاپپاعانداردىڭ قۇرالى. وزىندە ماقتان تۇتارلىق ەشتەڭەسى جوقتار سويتەدى. جەتىستىگى دە جوق، ءبىلىم دە، اينالىساتىن ءىسى دە جوق. سولاي بولعاندىقتان، وزدەرى ۇلتتىق ماقتاندى العا شىعارعىسى كەلەدى. جاۋاپكەرشىلىگى جوق توبىردىڭ اراسىنا بارىپ، ءبارىن قورعايمىز دەپ ايتاتىندار سولار. ولار، تۇپتەپ كەلگەندە، ەشكىم دە ەمەس. سوندىقتان دا، بۇنى دۇرىس تۇسىنۋگە ءتيىسپىز. ولاي بولماسا قالاي؟ ءبىز ا ق ش- قا بارىپ، گەرمانياعا بارىپ وزدەرىمىزدىڭ ەرەكشەلىگىمىز تۋرالى اڭگىمە ايتا الامىز با؟»، - دەدى ن. نازاربايەۆ.
سونىمەن قاتار، ەلباسى بۇكىل وركەنيەتتى الەمنىڭ كوزقاراسىنا توقتالا كەلە، «ءبىزدىڭ ۇرپاقتىڭ پلانەتا ادامى بولىپ تاربيەلەنگەنىن» قالايتىنىن جەتكىزدى.
«پلانەتا ادامىن قالىپتاستىرۋ ەلدىڭ ىشىنەن باستالادى. ءبىز سوعان تاربيەلەۋىمىز كەرەك» ، - دەدى ن. نازاربايەۆ.
اۆتور: قانات مامەتقازى ۇلى
