عالىمدار: باۋ-باقشادا جۇمىس ىستەۋ ءومىردى ۇزارتادى
بىرنەشە جىل بويى 108 مىڭ ايەلدى زەرتتەگەن گارۆارد ۋنيۆەرسيتەتىنىڭ قىزمەتكەرلەرى وسىنداي پىكىرگە كەلدى.
بۇل اۋقىمدى ساۋالداما ناتيجەلەرى باۋ- باقشادا جۇمىس جاساۋ ادامنىڭ ءوزىن سەزىنۋىن جاقسارتاتىنىن جانە ادام ءومىرىن ۇزارتاتىنىن كورسەتتى. جەردى شۇقىلاۋعا ەرىنبەيتىن ادامداردا ءولىم دەڭگەيى مەگاپوليستەردە تۇراتىنداردان 12 پايىز تومەن.
دوكتور پيتەر دجەيمستىڭ ايتۋىنشا، الىنعان ستاتيستيكا عالىمداردى تاڭداندىردى. ولار وسىمدىككە سۇيىسپەنشىلىك پەن ءومىر ۇزاقتىعىنىڭ اراسىندا وسىنداي بايلانىس بار دەپ ويلاماعان بولاتىن. باقشادا جۇمىس ىستەۋ، دەنە جاعىنان دا، ادامنىڭ پسيحولوگيالىق جاي- كۇيى جاعىنان دا وڭ اسەر ەتەتىن بولىپ شىقتى.
عالىمداردىڭ ايتۋىنشا، ادامعا سالماق تۇسىرەتىن مەگاپوليستەردە قاۋىپتى تىنىس جولدارى اۋرۋلارى 13 پايىز جوعارى جانە قاتەرلى ىسىكتەن كوز جۇمۋ مۇمكىندىگى 34 پايىز كوپ.
