قاشاعاندا مۇناي ءوندىرۋ جوسپارلانعان مەرزىمنەن ءبىر اي بۇرىن باستالۋى مۇمكىن - ق. بوزىمبايەۆ
«قاشاعان كەنىشىن وسى جىلعى جەلتوقساندا ىسكە قوسۋعا ەسەپتەلگەن كەستە ورىندالىپ كەلەدى، ال كەيبىر كورسەتكىشتەر بويىنشا ءتىپتى ارتىعىمەن ورىندالۋدا. كەنىش پەن «بولاشاق» گاز تازالاۋ زاۋىتى اراسىندا گاز قۇبىرى مەن باسقا دا قۇبىرلاردى توسەۋ جونىندەگى كەستە اسىرا ورىندالۋدا. بۇگىندە قاشاعان جوباسىنىڭ وپەراتورى زاۋىتتاعى قولدا بار جابدىقتاردى تەكسەرۋدە جانە تەحنيكالىق اۋديت جۇمىستارىن جۇرگىزۋدە. زاۋىت بەس- التى جىل بۇرىن سالىنعان. جابدىقتار بوس تۇرىپ قالدى. جابدىقتاردىڭ كەيبىر تۇرلەرىن جوسپارلى تۇردە اۋىستىرۋ قاجەت، ولارعا قاجەتتى قۇرالدارعا (ن ك و ك كومپانياسى) تاپسىرىستار بەردى جانە جەتكىزۋ ۇدەرىسى ءجۇرىپ جاتىر. وسى جۇمىستاردىڭ بارلىق كەستەسىن ويداعىداي ورىنداۋ بيىلعى جىلدىڭ جەلتوقسانىندا قاشاعاندى ىسكە قوسۋعا مۇمكىندىك بەرەدى دەپ سانايمىز، ءبىر اي بۇرىن اياقتالۋى دا مۇمكىن. مەنىڭ پىكىرىم، ءبىر رەت جاقسى جاساپ، مۇقيات تەكسەرىپ بارىپ، ىسكە قوسقان دۇرىس»، - دەدى ق. بوزىمبايەۆ.
ەسكە سالا كەتەيىك، 2013-جىلى كاسپي تەڭىزىندەگى قاشاعان كەنىشى پايدالانۋعا بەرىلىپ، ىسكە قوسىلعان ەدى، ءبىراق تا «د» جاساندى ارالىنان قۇرلىققا شىعاتىن قۇبىرداعى اقاۋ سالدارىنان جۇمىس توقتاتىلعان بولاتىن.
