قازاقستاندىق مەكتەپتەر ۇشتىلدىلىككە قالاي وتەدى؟
«ەشكىم مەكتەپ پاندەرىندەگى ۇشتىلدىلىكتى 1 -قىركۇيەكتەن باستاپ مىندەتتى تۇردە ەنگىزەيىن دەپ وتىرعان جوق. باعدارلاماعا سايكەس، تەك 10-11 -سىنىپتاردا جانە تەك 2019 -جىلدىڭ قىركۇيەگىنەن باستاپ، ءتورت پاننەن عانا (فيزيكا، حيميا، بيولوگيا، ينفورماتيكا) ساباقتار اعىلشىن تىلىندە وتەدى. بۇل اپتاسىنا 8 ساعات دەگەن ءسوز. سونىمەن قاتار، قازاق تىلىندە ءبىلىم بەرەتىن مەكتەپتەردە: ماتەماتيكا، قازاق ءتىلى، قازاق ادەبيەتى، قازاقستان تاريحى، گەوگرافيا جانە باسقا پاندەر قازاق تىلىندە وتەدى. بارلىعى 16 ساعات. مەن مۇنى ماماندارعا ايتىپ وتىرمىن. وقۋدىڭ 22 ساعاتىنىڭ 14 ساعاتى قازاق تىلىندە ءوتىپ، وعان قوسا 3 ساعات دەنە شىنىقتىرۋ ءپانى قوسىلادى. جانە دە تاڭداۋ پاندەرى بار. وقۋ قاي تىلدە بولماسىن ورىس ءتىلى مەن ادەبيەتى، دۇنيەجۇزى تاريحى پاندەرى ورىس تىلىندە وتەدى. ورىس مەكتەپتەرىندە دە وسىلاي. جانە بۇل ءتورتىنشى جىلى بولادى. تەك جوعارى سىنىپ وقۋشىلارى ءۇشىن»، - دەپ ءتۇسىندىردى ول.
«قالعان سىنىپتاردا بۇگىنگى بازالىق جۇيە قالادى. بالالاردىڭ جوعارى مەكتەپتە ۇشتىلدىلىككە دايىن بولۋى ءۇشىن تىلدەردى ۇيرەتۋ كۇشەيەدى. ءبىز مەكتەپتەرگە وقۋشىلاردىڭ پاندەردى ءۇش تىلدە ۇيرەنۋلەرىنە مۇمكىندىك بەرەمىز. بۇل مەكتەپتەردىڭ وعان قاي ۋاقىتتا دايىن بولاتىنىنا بايلانىستى. مۇعالىمدەردى جاپپاي دايىنداۋ وسى جىلى باستالادى. ءبىزدىڭ ايتىپ وتىرعانىمىز، اۋداندارداعى جۇمىس قىزىپ جاتىر. شىعىس قازاقستان وبلىسىنداعى جۇمىستىڭ ناتيجەسىنە قاراڭدار. قىزىلوردا مەن اقتوبەدە دە ءبىراز جۇمىس اتقارىلدى»، - دەدى ول.
ساعاديەۆتىڭ ايتۋىنشا، ۇشتىلدىلىك قازاق ءتىلىن ۇيرەنۋگە جانە مەكتەپتەردە اعىلشىن ءتىلىن بىلەتىن مۇعالىمدەردىڭ قانشالىقتى جەتكىلىكتى ەكەنىن كورسەتەدى. ءمينيستردىڭ قويىلعان سۇراقتارعا جاۋابىن سۇحباتتان وقۋعا بولادى.
سۇحباتتىڭ تولىق نۇسقاسىن مىنا جەردەن وقي الاسىزدار.
