ايەلدەرمەن قول الىسقىسى كەلمەگەن مۇسىلمانعا ازاماتتىق بەرىلمەيتىن بولدى

استانا. قازاقپارات - شۆەيتساريا بيلىگى مەكتەپ قابىرعاسىندا مۇعاليمانىڭ قولىن الماعان ەكى مۇسىلمان بالانىڭ وتباسىنا قاتىستى راسىمدەلىپ جاتقان ازاماتتىق بەرۋ پروتسەدۋراسىن توقتاتىپ تاستادى.

بۇل جايىندا IslamNews پورتالى The Guardian اقپارات كوزىنە سىلتەمە جاساپ، حابارلايدى.

اتالعان ەلدىڭ تەرۆيل قالاسىنداعى مەكتەپتە وقيتىن مۇسىلمان ۇل بالالار بوگدە ايەل اداممەن جاناسۋعا ءدىنىمىز رۇقسات بەرمەيتىنىن العا تارتقان. جەرگىلىكتى ءبىلىم بەرۋ مەكەمەسى 14 جانە 15 جاستاعى جاسوسپىرىم مۇسىلماندارعا مۇعالىمدەردىڭ قولىن الماۋعا رۇقسات بەرگەنىمەن بۇل حابار قۇلاعىنا تيگەن جوعارعى بيلىك وكىلدەرى شۋ شىعاردى.

اسىرەسە، ادىلەت ءمينيسترى سيمونەتتا سوممارۋگا وسى وقيعا توڭىرەگىندە مۇسىلمان وتباسىن ايىپتاپ، قاتاڭ مالىمدەمە جاسادى. مۇعاليمانىڭ قولىن الۋدان باس تارتقان جاسوسپىرىم مۇسىلمانداردىڭ تەگى سيريالىق. ولار بۇل ەلگە 2001-جىلى قونىس اۋدارعان ەدى.