الماتى جۇرتشىلىعى مەملەكەت جانە قوعام قايراتكەرى ساعيدوللا قۇباشەۆتى اقتىق ساپارعا شىعارىپ سالدى

الماتى. قازاقپارات - بۇگىن الماتىدا جۇرتشىلىق بەلگىلى قوعام قايراتكەرى ساعيدوللا قۇباشەۆتى باقيلىق ساپارعا شىعارىپ سالدى.

قوشتاسۋ ءراسىمى بۇرىنعى كەڭەس ءداۋىرىنىڭ مەملەكەتتىك جانە پارتيا بەلسەندىسى ءومىر سۇرگەن ۇيدە ءوتتى.

قارالى جيىندا الماتى اكىمى باۋىرجان بايبەك ق ر پرەزيدەنتى نۇرسۇلتان نازاربايەۆتىڭ كوڭىل ايتۋ جەدەلحاتىن وقىپ بەردى.

«ساعيدوللا قۇباشەۆ كوپ جىلدار بويى ءتۇرلى مەملەكەتتىك ورگانداردا جۇمىس ىستەپ، ەلىمىزدىڭ الەۋمەتتىك-ەكونوميكالىق دامۋىنا ايتارلىقتاي ۇلەس قوستى. انىعىن ايتقاندا، ول باسشى قىزمەتتەردە بولدى، ءبىرقاتار وبلىستىق اتقارۋ كوميتتەرىن باسقاردى، گۋريەۆ جانە سەمەي وبلىستارى پارتيا كوميتتەرىنىڭ ءبىرىنشى حاتشىسى، مينيسترلەر كەڭەسى ءتوراعاسىنىڭ ورىنباسارى، قازاقستان كومپارتياسى ورتالىق كوميتەتىنىڭ ەكىنشى حاتشىسى بولدى. قازاقستاننىڭ گۇلدەنۋى، وسكەلەڭ ۇرپاققا ونەگەلى تاربيە بەرۋ جولىندا ايانباي ەڭبەك ەتتى. س. قۇباشەۆتىڭ ەرەن ىستەرى جوعارى ماراپاتتارمەن اتاپ ءوتىلدى»، - دەلىنگەن جەدەلحاتتا.

 قازاقستاننىڭ تۇكپىر-تۇكپىرىنەن س. قۇباشەۆتىڭ وتباسىنا كوڭىل ايتۋعا جۇزدەگەن ادامدار كەلدى. ەستەرىڭىزگە سالا كەتەيىك، ساعيدوللا قۇباشەۆ 90 جاسقا قاراعان شاعىندا الماتىدا كوز جۇمدى.

 مارقۇم 1927 -جىلى 10 -اقپاندا قازىرگى اتىراۋ وبلىسىنداعى «پەرۆىي» اۋىلىندا دۇنيەگە كەلگەن. 1949 -جىلى الماتى زووتەحنيكالىق - مالدارىگەرلىك ينستيتۋتىن بىتىرگەن.

 1949 - 1953 -جىلدارى گۋريەۆ وبلىسىندا باس زووتەحنيك، وبلىستىق اۋىل شارۋاشلىعى باسقارماسى باستىعىنىڭ ورىنباسارى بولعان.

 1953 1960 -جىلدارى اتىراۋ وبلىسىنداعى «پەرەدوۆيك» كولحوزىنىڭ ءتوراعاسى اتانادى.

1960 - 1963 -جىلدارى گۋريەۆ وبلىستىق اتقارۋ كوميتەتىنىڭ ءتوراعاسى، 1975 - 1979 -جىلدارى قازاق س س ر- ى مينيسترلەر كەڭەسى ءتوراعاسىنىڭ ورىنباسارى بولادى. لاۋازىمدى پارتيالىق باسشى قىزمەتتەرد اتقارىپ، XI, XII, XIII, XIV, XV,XVI  سەزدەرىنىڭ دەلەگاتى اتانادى. 1987-1988 -جىلدار ارالىعىندا ق ك پ و ك- نىڭ بيۋرو مۇشەسى.

اۆتور: گۇلميرا عوسمانالي