15:30, 21 - ءساۋىر 2016 | GMT +6
شوۋ-بيزنەس جۇلدىزدارى سالىق تولەمەۋ ءۇشىن تابىسىن تومەن كورسەتكەن
الماتى. قازاقپارات - الماتى سالىق دەپارتامەنتى شوۋ-بيزنەس وكىلدەرىنە سالىق سالا باستادى. بۇل تۋرالى قالالىق مەملەكەتتىك كىرىس دەپارتامەنتىنىڭ باسپا ءسوز قىزمەتى حابارلادى.
باسپا ءسوز قىزمەتىنىڭ حابارلاۋىنشا، شوۋ-بيزنەس پەن كونسەرتتىك باعدارلاما اياسىندا كاسىپكەرلىكپەن اينالىسقان تۇلعالار ءوز تابىستارىن قاساقانا تومەندەتىپ كورسەتكەن.
«جىل باسىنان بەرى ايقىن، ەرنار ايدار، «شانشار»، «الداراسپان» تەاترلارىنىڭ كونسەرتى، سونداي-اق شەتەلدىك پولينا گاگارينا، پاۆەل ۆوليا، ۆياچەسلاۆ بۋتۋسوۆتىڭ كونسەرتتەرىنە سالىقتىق تەكسەرۋ جۇرگىزىلدى.
ولاردىڭ كوبى شىن مانىندە تاپقان تابىسىن 10 ەسە تومەندەتىپ كورسەتكەن»، - دەدى باسپا ءسوز قىزمەتىنەن.
اۆتور: گۇلميرا عوسمانالي
