ءۇرىمجى قىتايداعى اۋاسى ەڭ لاس قالا اتاندى
بۇل تۋرالى ق ح ر قورشاعان ورتانى قورعاۋ مينيسترلىگىنەن حابارلادى.
«قاڭتار ايىنان ناۋرىز ايىنا دەيىن ءۇش ايدىڭ جارتىسىنان استامىندا بۇل قالادا اۋا لاستانۋى بايقالدى»، - دەلىنگەن حابارلامادا.
قىتايداعى اۋاسى لاستالعان قالالار تىزىمىندە ۇرىمجىدەن كەيىن حىبي پروۆينسياسىنىڭ باۋدين جانە شينتاي قالالارى، حىنان پروۆينسياسىنداعى جىڭجوۋ، حىبي پروۆينسياسىنىڭ شيجياجۋاڭ، حىنشۋي، حاندان جانە تاڭشان قالالارى، جينان (شاندۇڭ پروۆ. ) جانە شيان (شانشي پروۆ. ) تۇر.
بۇل جولى اتالعان تىزىمگە بەيجىڭ ەنبەدى. بەيجىڭ- تيانجين- حىبي ايماعىندا ءبىرىنشى توقساندا ورتاشا العاندا اۋانىڭ لاستانۋى بارلىق كۇندەردىڭ %40,3 بولعان. بۇل وتكەن جىلعى كورسەتكىشتەن جاقسىراق.
قىتايدا اۋاسى تازا قالالار دەپ حايكوۋ، لحاسا، حۋيجوۋ، شيامىن، جوۋشان، شىنجىن، جياڭمىن، جۋحاي، فۋجوۋ جانە جۇڭشان سانالادى.
