وسكەمەندە قىتايدان كوشىپ كەلىپ، وقىپ جاتقان قانداسىمىز جوعالىپ كەتتى
تۋىستارى ونىڭ جوعالعان كۇنى قولىندا قىرۋار قاراجاتتىڭ بولعانىن ايتىپ وتىر، - دەپ حابارلايدى YK-news.kz.
اقجولدىڭ اناسى گۇلنۇر زابير قىزىنىڭ ايتۋىنشا، ولاردىڭ جانۇياسى بىرنەشە جىل بۇرىن قىتايدان كوشىپ كەلگەن. قازىرگى ۋاقىتتا جىگىت فيلولوگيا فاكۋلتەتىندە وقيدى ءارى فارماتسەفتيكالىق كومپانيادا قوسىمشا ءناپاقا تاۋىپ ءجۇر. 13- ساۋىردە ستۋدەنت جۇمىس بويىنشا باسشىسىنا 180 مىڭ تەڭگە جەتكىزۋى ءتيىس بولىپتى. سول كۇنى كەشتە ونىڭ تەلەفونى سونگەن. اقجولدى «دانيەل» ساۋدا ءۇيىنىڭ ماڭىندا بىرەۋلەر كورىپ قالعان.
«14- ساۋىردە ستۋدەنتتىڭ اتا-اناسى پوليتسياعا حابار بەرگەن. دەرەۋ ىزدەستىرۋ بويىنشا ءىس قوزعالدى. پوليتسەيلەر جىگىتتى ىزدەۋدى باستادى»، - دەپ حابارلادى ش ق و ءى ءى د باسپا ءسوز قىزمەتىنىڭ وكىلى باقىتجان تورعايەۆ.
اقجول سەرىكتى ىزدەۋگە ەرىكتىلەر دە قوسىلدى. ولار ستۋدەنتتىڭ سۋرەتتەرىن قالا بويىنشا ءىلۋدى جوسپارلاپ وتىر.
