جاستار كورپۋسىن دامىتۋ جوباسىنا قوماقتى قارجى تارتىلدى
بۇل تۋرالى بۇگىن «نۇر وتان» پارتياسى فراكسياسى جانىنداعى الەۋمەتتىك كەڭەسىتىڭ «جاستاردى قولداۋ» ساراپتامالىق وتىرىسىندا ق ر ب ع م جاستار ساياساتى دەپارتامەنتىنىڭ ديرەكتورى روزا كارىبجانوۆا ءمالىم ەتتى.
«قازىرگى ۋاقىتتا «قازاقستان 2020: بولاشاققا جول» مەملەكەتتىك جاستار ساياساتىنىڭ 2020 -جىلعا دەيىنگى تۇجىرىمداماسىنىڭ ىسكە اسىرۋ جونىندەگى شارالار جوسپارىنىڭ 2 كەزەڭى بەكىتىلدى. تۇجىرىمدامانىڭ ەكىنشى كەزەڭىنىڭ ماقساتى - جاستاردى تابىستى الەۋمەتتەندىرۋگە باعىتتالعان مەملەكەتتىك جاستار ساياساتىنىڭ ءتيىمدى ۇلگىسىن قالىپتاستىرۋ جانە ولاردىڭ الەۋەتىن ەلىمىزدىڭ دامۋىنا جۇمساۋ. تۇجىرىمدامانىڭ ەكىنشى كەزەڭىنىڭ جوسپارى زاڭنامالىق تۇردە بەكىتىلگەن مەملەكەتتىك جاستار ساياساتىنىڭ نەگىزگى باعىتتارىمەن ۇيلەسەدى»، - دەدى دەپارتامەنت باسشىسى.
ونىڭ سوزىنە قاراعاندا، جوسپاردا 10 نەگىزگى باعىت بويىنشا 73 ءىس-شارا قاراستىرىلعان. وسى رەتتە قولجەتىمدى ءارى ساپالى ءبىلىم بەرۋدى قامتاماسىز ەتۋ، جاستاردى جۇمىسقا ورنالاستىرۋ مەن ەڭبەكپەن قامتۋعا جاعدايلار جاساۋ، جاس وتباسىلار ءۇشىن قولجەتىمدى باسپانا جۇيەسىن دامىتۋ، سالاۋاتتى ءومىر سالتىن قالىپتاستىرۋ، قۇقىقتىق مادەنيەت دەڭگەيىن ارتتىرۋ، عىلىمي- زەرتتەۋ، جاستار ساياساتىن ينستيتۋتسيونالدى نىعايتۋ جانە باسقا دا قادامدار قامتىلعان.
«جوسپاردىڭ نەگىزگى باسىمدىعى ءادىسنامالىق قوردى جەتىلدىرۋگە جانە جاستارمەن جۇمىس جاسايتىن مامانداردى دايىنداۋ دەڭگەيىن ارتتىرۋعا بەرىلەدى. ەكىنشىدەن، دۇنيە جۇزىلىك بانكتىڭ گرانتى اياسىندا جاستار كورپۋسىن دامىتۋ جوباسىن ىسكە اسىرۋ جۇمىستارى باستالدى. جوبانىڭ ماقساتى - جاستاردى، اسىرەسە تابىسى از، جۇمىسسىز، مۇگەدەك جانە وسال توپتاردان شىققان جاستاردى قوعام ومىرىنە تارتۋ. جوبا شۆەيتساريالىق تراست قورى قاراجاتى ەسەبىنەن قارجىلاندىرىلادى. گرانت سوماسى 21 ميلليون 763 مىڭ ا ق ش دوللارىن قۇراپ وتىر. بۇل وتەۋسىز گرانت»، - دەدى ر. كارىبجانوۆا.
بەلگىلى بولعانداي، قارجىلاندىرۋ كەزەڭ- كەزەڭمەن جۇرگىزىلەدى. 2016 -جىلعا 3 ميلليون دوللار بولىنگەن ەكەن.
ونىڭ سوزىنە قاراعاندا، جاستار كورپۋسىن دامىتۋ جوباسىنىڭ ءبىرىنشى باعىتىن جۇزەگە اسىرۋدىڭ ناتيجەسىندە 1700 دەن استام كىشى جوبالارىن جۇزەشە اسىرۋ كوزدەلەدى. بۇعان 8,5 مىڭ جاس ازاماتتار تارتىلادى. سونىمەن قاتار، 100 گە جۋىق جاستار ۇيىمى وسى جۇمىسقا قاتىسادى.
اۆتور: رۋسلان عابباسوۆ
