قىتايمەن شەكارادا جاڭا قالا سالىنادى - الماتى وبلىسىنىڭ اكىمى
«ءبىز ءۇشىن 65-قادامنىڭ ماڭىزى زور، ونىڭ اياسىندا ەۋرازيالىق ترانسكونتينەنتالدى ءدالىز قۇرۋ جونىندەگى جوبا جۇزەگە اسىرىلۋدا. ونىڭ قورعاستان اقتاۋ پورتىنا دەيىنگى ەكىنشى باعىتى وبلىسىمىزدىڭ اۋماعى بويىنشا وتەدى. ق ح ر شەكاراسىندا قورعاس شەكارا ماڭى ىنتىماقتاستىعى حالىقارالىق ورتالىعى ىسكە قوسىلدى، 2015 -جىلدىڭ جەلتوقسانىندا «قورعاس- شىعىس قاقپاسى» ا ە ا» قۇرعاق پورتىنىڭ ءبىرىنشى كەزەگى ىسكە قوسىلدى، 47 مىڭ كونتەينەر تاسىمالداندى، اعىمداعى جىلى 200 مىڭ كونتەينەردى وتكىزۋ جوسپارلانۋدا»، - دەدى ا. باتالوۆ.
ونىڭ ايتۋىنشا، «باتىس ەۋروپا - باتىس قىتاي» اۆتوجولىنىڭ ۇزىندىعى 304 شاقىرىم الماتى- قورعاس ۋچاسكەسىنىڭ قۇرىلىسى جۇرگىزىلۋدە. سونىمەن قاتار «نۇرلى جول» باعدارلاماسى بويىنشا اعىمداعى جىلدىڭ ەكىنشى جارتىجىلدىعىنان باستاپ تالدىقورعان - وسكەمەن جانە ءۇشارال- دوستىق جولىنىڭ قۇرىلىسى باستالادى.
«جولدار قۇرىلىسىمەن بىرگە لوگيستيكا دامىتىلۋدا، قازىر حالىقارالىق ستاندارتتاعى التى كولىك- لوگيستيكالىق ورتالىقتارى بار.
ىلە اۋدانىندا 15 مىڭ شارشى مەتر الاڭدا تاعى ءبىر ءىرى لوگيستيكالىق ورتالىقتىڭ قۇرىلىسى باستالدى. وسى شارالاردىڭ بارلىعىنىڭ ناتيجەسىندە ترانزيتتىك تاسىمالدار ءتورت ميلليون توننادان 2020 -جىلعا 10 ملن. تونناعا دەيىن ارتادى، قىتايمەن شەكارادا جاڭا قالا سالىنادى»، - دەدى ءوڭىر باسشىسى.
اۆتور: مارلان جيەمباي
