ەر ادامدار وتباسىلى بولعان سوڭ دوستارىنان الىستاي باستايدى - پسيحولوگتار

استانا. قازاقپارات - ۇيلەنگەننەن كەيىن 40 جاسقا كەلگەندە ەر ادامداردىڭ ورتاسىمەن، دوستارىمەن اڭگىمەلەسۋگە دەگەن قۇلشىنىسى ازايسا، ايەلدەردىكى كەرىسىنشە ارتادى.

ەۋروپالىق ەلدەردەگى وسى جاس شاماسىنداعى 3 ميلليون ۇيالى تەلەفون پايدالانۋشىلارىنىڭ قوڭىراۋلارى تۋرالى اقپاراتتى ساراپتاعان فينليانديالىق عالىمدار وسىنداي توقتامعا كەلدى.

شامامەن 25 جاستان كەيىن ەرلەردىڭ ارالاسۋ ورتاسى كەمي باستايدى. 40 جاسقا قاراي ول تۇراقتى بولىپ، كەيىن تاعى ازايادى. 60 جاستان كەيىنگى ەرلەر قوعامنان وقشاۋلانعان سياقتى، دەيدى ماماندار.

روسبالت جازعانداي، 25 جاسقا دەيىن ەرلەر دە، ايەلدەردە دوستارىنا كوپ ۋاقىت بولەدى. ەرلەر بارلىعىمەن اڭگىمەلەسە بەرەدى، ال ايەلدەر ۋاقىتتى جولداسىنىڭ جانىندا وتكىزۋگە ۇمتىلادى. بۇل ۋاقىتتا الەۋمەتتىك بايلانىستار سانى ەڭ كوپ دەڭگەيگە جەتەدى.