قىتاي ينۆەستورلارى قازاقستاندىق كومپانيالاردى ءوزارا ءتيىمدى ارىپتەستىككە شاقىرادى - فوتو
بۇل تۋرالى «KTZ Express» ۇلتتىق مۋلتيمودالدىق كولىك وپەراتورىنىڭ باسپا ءسوز قىزمەتىنەن حابارلاندى.
باسپا ءسوز قىزمەتىنىڭ اقپاراتىنا قاراعاندا، جاقىندا نانكين قالاسىندا (ق ح ر، جياڭسۋ پروۆينتسياسى) «قورعاس-شىعىس قاقپاسى» ا ە ا دامىتۋعا شەتەل ينۆەستورلارىن تارتۋ بويىنشا فورۋم ءوتتى. فورۋمعا 150 گە تارتا قىتاي كومپانيالارىنىڭ وكىلى قاتىسقان. فورۋمدا قىتايدىڭ بيزنەس- قوعامداستىقتارىنىڭ وكىلدەرى قر مەن قحر اراسىندا «قورعاس- شىعىس قاقپاسى» اەا- داعى يندۋستريالىق ىنتىماقتاستىق باعدارلاماسىن ورىنداۋداعى ىنتىماقتاستىققا دايىندىعى تۋرالى حابارلادى.
«ءبىز قازاقستاندىق بيزنەسمەندەرمەن بىرلەسىپ جۇمىس ىستەۋدى قالايمىز جانە وعان دايىنبىز. ءبىز جوبا بويىنشا ينۆەستيتسيالاردىڭ قانداي دا ءبىر بولىگىن ءوز موينىمىزعا الۋعا دايىنبىز جانە قازاقستاندىق تاراپ ءوز بولىگىن سالا الار ەدى. ىنتىماقتاستىقتىڭ مۇنداي ءادىسى ەكى تاراپقا دا كەپىلدىك پەن ءوزارا ءتيىمدى تالاپتار بەرەدى»، - دەدى قىتاي بيزنەس-قوعامداستىعىنىڭ وكىلدەرى.
ايتا كەتەرلىگى، «قورعاس- شىعىس قاقپاسى» ا ە ا قىتاي، ەۋرازيا وداعى، ورتالىق ازيا جانە ەۋروپا ەلدەرى اراسىنداعى تاۋار اعىندارىنىڭ قيىلىسىنداعى وڭىرلىك كولىك-لوگيستيكالىق حاب بولىپ تابىلادى. ا ە ا- تىڭ بىرەگەيلىگى، ەڭ الدىمەن، ازيا مەن ەۋروپاعا جۇك جەتكىزۋدىڭ لوگيستيكالىق تىزبەكتەرىن قامتاماسىز ەتۋ بويىنشا كەڭ مۇمكىندىكتەردە. سونىمەن بىرگە، قازىرگى زامانعى ينفراقۇرىلىم، سالىقتىق جانە كەدەندىك جەڭىلدىكتەر، ەڭ الدىمەن، حالىقتار سانى شامامەن 180 ميلليون ادامدى قۇرايتىن جانە ق ح ر- مەن ساۋدا اينالىمى شامامەن 110 ميلليارد ا ق ش دوللاردى قۇرايتىن ەۋرازيالىق ەكونوميكالىق وداقتىڭ نارىعى ءۇشىن جاڭا وندىرىستەردى قۇرۋعا مۇمكىندىك بەرەدى.
وسىعان وراي، KTZ Express ۇلتتىق مۋلتيمودالدىق كولىك وپەراتورى قازاقستاندىق بيزنەسمەندەردى ارىپتەستىككە شاقىرادى. «قورعاس-شىعىس قاقپاسى» ا ە ا «ق ت ج» ۇ ك» ا ق ىسكە اسىراتىن «نۇرلى جول» جاڭا ەكونوميكالىق ساياسات باعدارلاماسى وبەكتىلەرىنىڭ ءبىرى بولىپ تابىلادى.
