زەرتتەۋ: پەرنەتاقتامەن تەرۋ ميداعى اقپاراتتى وشىرەدى
زەرتتەۋ ناتيجەسىندە جوعارىدا اتالعان پىكىر ءدارىس جازۋ كەزىندە مۇلدەم باسقاشا ەكەنىن انىقتاعان: نوۋتبۋك - ءدارىس جازعاندا كومەكتەسە المايدى ەكەن.
زەرتتەۋ بارىسىندا ءبىر توپ وقۋشى ءدارىستى كومپيۋتەرمەن تەرگەن، ال ءبىر توپ وقۋشى قولمەن جازعان. ناتيجەسىندە پەرنەتاقتامەن تەرگەن وقۋشىلار ءدارىس اراسىنداعى كەيبىر سوزدەردى عانا ەستە ساقتاعان. ونىڭ سەبەبىن «ارىپتەر قالىپ قويماس ءۇشىن وسىنداي بولدى» دەپ تۇسىندىرگەن. ال ەكىنشى توپ وقىلعان ماتەريالدى ءۇتىر- نۇكتەسىنە دەيىن ايتىپ بەرگەن.
مۇنىڭ الدىندا زەرتتەلگەن تاجىريبەلەردە ءدارىستى كومپيۋتەردىڭ كومەگىمەن جازۋ مۇمكىن ەمەستىگى ايتىلعان ەكەن. سەبەبى، كومپيۋتەرلىك ويىندار ويناپ، ينتەرنەتكە كىرىپ كەتىپ، ويدى بولەدى. ال قولمەن جازۋدا ادامنىڭ ساناسى جاڭا اقپاراتتى ساقتاپ الۋ كەزىندە جىلدامدىعى ازايادى ەكەن. جازۋ باياۋلاعان كەزدە مي كوپ ماعلۇمات جينايدى.
ەگەر ادام تەز ءارى قاتەسىز تەرەتىن بولسا، ارىپتەن جاڭىلىسىپ كەتپەس ءۇشىن ءدارىستى سوزبە- ءسوز تىڭداپ، ونىڭ ماعىناسىنا قۇلاق اسپاۋى مۇمكىن. ءسىز ءدارىستى كومپيۋتەرمەن تەرىپ وتىرساڭىز، ءدارىستىڭ تەك %10 ىن عانا ميدا ساقتاي الاسىز.
باسقاشا ايتقاندا، مي «بۇل اقپارات ماڭىزدى، ەستە ۇستاۋ قاجەت» دەگەن سيگنالدى قابىلدامايدى. سەبەبى، ول مونيتورداعى ارىپتەردىڭ تۇگەل ەكەنىن قاداعالاپ وتىرادى. ءسىز قۇجاتتى ساقتاپ جاۋىپ قويعاندا، ساناڭىز كەلەسى جۇمىسقا دايىندالۋ ءۇشىن ەستىگەن اقپاراتتى ۇمىتىپ كەتەدى.
ەگەر ءسىز دارىسكەردىڭ ايتقاندارىن تولىق جازىپ العىڭىز كەلسە، فيزيكالىق تۇرعىدا قولىڭىز شارشايدى. سول ءۇشىن سوزدەردى ءوزىڭىز تۇسىنەتىن ەتىپ بارىنشا قىسقارتىپ، بەلگىلى ءبىر سيمۆولدارمەن بەلگىلەپ كەتۋىڭىز مۇمكىن. قولمەن جازىلعان اقپاراتتار ەستە تەز ساقتالادى ءارى سانادا ۇزاق ءومىر سۇرەدى، دەپ جازادى massaget.kz.
زەرتتەۋشىلەر مىناداي قورىتىندىعا كەلىپتى: وقۋشى ءدارىستى تىڭداپ وتىرىپ، ءوز سوزىمەن كونسپەكتىلەگەنى تيىمدىرەك. وقۋشىنىڭ جۇمىسى، رەفەرات سىندى وزىندىك تاپسىرمالار دارىسكەردىڭ الدىنا كوبىنە كومپيۋتەرمەن «تەرىلىپ بارادى».
پاراققا جازىلعان ءار نارسە ءبىر ويعا تۇرتكى بولادى ەكەن. بۇل تۋرالى ستانيسلاس دەەن اتتى فرانتسۋز پسيحولوگى پىكىرىن بىلاي تۇجىرىمدادى: «ءبىزدىڭ ميىمىز پەرنەتاقتامەن جۇمىس كەزىندە نەيروندى تىزبەك جاسامايدى، ياعني ويلاۋ جۇيەمىز تۇيىقتالىپ قالادى، ال حات جازۋ كەزىندە سانا ەركىندىكتى سەزىنەدى».
