ەۋرازيالىق ۇكىمەتارالىق كەڭەستە ەۋروپالىق وداقپەن پەن «جىبەك جولى» ديالوگىن قالىپتاستىرۋ ماسەلەسى تالقىلاندى

استانا. قازاقپارات - ەۋرازيالىق ەكونوميكالىق كوميسسيا ءۇشىن ەۋروپالىق وداقپەن جۇمىس ىستەۋ، قىتاي حالىق رەسپۋبليكاسىمەن ديالوگ ورناتۋدىڭ ناقتى تەتىكتەرى ايقىندالدى.

ول بويىنشا ۇكىمەت باسشىلارى وسى ەكى باعىتتاعى ىنتىماقتاستىقتىڭ ستراتەگيالىق جولدارىن تالقىلاپ، نەگىزگى ماسەلەلەرگە نازار اۋداردى. بۇل تۋرالى كەشە ماسكەۋدە وتكەن ەۋرازيالىق ۇكىمەتارالىق كەڭەس وتىرىسىنىڭ قورىتىندىسى بويىنشا بريفينگتە ە ە ك القاسىنىڭ ءتوراعاسى تيگران ساركيسيان ءمالىم ەتتى.

ەۋرازيالىق ۇكىمەتارالىق كەڭەستىڭ وتىرىسىن قورىتىندىلاي كەلە، ق ر پرەمەر- ءمينيسترى كارىم ءماسىموۆ بيىل وداقتىڭ ورگانىنا قازاقستان ءتوراعالىق ەتەتىنىن ەسكە سالدى. ونىڭ ايتۋىنشا، ەۋرازيالىق ەكونوميكالىق وداق جوعارعى كەڭەسىنىڭ ءتوراعاسى، قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ ۇسىنىسىمەن 2016-جىل وداقتىڭ ءۇشىنشى ەلدەرمەن جانە نەگىزگى ينتەگراتسيالىق بىرلەستىكتەرمەن ەكونوميكالىق قاتىناسىن تەرەڭدەتۋ جىلى رەتىندە جاريالانعان بولاتىن.

بۇدان بولەك، ەۋرازيالىق ۇكىمەتارالىق كەڭەس وتىرىسى بارىسىندا ە ا ە و- عا مۇشە- مەملەكەتتەردىڭ ۇكىمەت باسشىلارى ينتەگراتسيالىق بىرلەستىك قاتىسۋشىلارىنىڭ الەۋمەتتىك-ەكونوميكالىق ورنىقتى دامۋىن قامتاماسىز ەتۋگە، تەحنولوگيالىق الەۋەتىن ارتتىرۋعا باعىتتالعان ءبىرقاتار باعدارلامالىق قۇجاتتارىن بەكىتتى.

اتاپ ايتقاندا، ۇكىمەت باسشىلارى «ستانوك قۇرۋ جونىندەگى ەۋرازيالىق ينجينيرينگتىك ورتالىق قۇرۋ تۇجىرىمداماسى تۋرالى»، «ەۋرازيالىق تەحنولوگيالىق تۇعىرنامانى قالىپتاستىرۋ جانە قىزمەت ەتۋ ەرەجەلەرىن بەكىتۋ تۋرالى»، سونداي-اق «ە ا ە و مۇناي جانە مۇناي ونىمدەرىنىڭ ورتاق نارىعىن قۇرۋ تۇجىرىمداماسى تۋرالى» قۇجاتتارعا قول قويىلدى.

بۇدان بولەك، ە ا ە و- عا مۇشە-مەملەكەتتەردىڭ ۇكىمەت باسشىلارى ساۋدا-ەكونوميكالىق ىنتىماقتاستىق ماسەلەلەرىن تالقىلاپ، وداق پەن قىتايلىق باستاما بولىپ تابىلاتىن «جىبەك جولىنىڭ» ەكونوميكالىق بەلدەۋى جوباسىن ۇيلەستىرۋ شارالارىن قاراستىردى.

اۆتور: قانات مامەتقازى ۇلى