بانكوماتتان قولما-قول اقشانى ەندى ارنايى كارتاسىز دا الۋعا بولادى

استانا. قازاقپارات - جيناق بانكى قازاقستاندا العاشقىلاردىڭ ءبىرى بولىپ، تەڭدەسسىز قىزمەتتى ىسكە قوستى.

بۇل قىزمەت ءتۇرى بانكوماتتان اقشانى پلاستيكالىق كارتانىڭ كومەگىنسىز-اق الۋعا مۇمكىندىك بەرەدى.

اقشانى بانكوماتتان الۋ ءۇشىن تەك سمارتفونىڭىز بولسا جەتكىلىكتى.

«جيناق بانكى ونلاين» جاڭا سەرۆيسى بانك كارتاسى جوق بولىپ، الايدا، قولما-قول اقشا قاجەت بولىپ قالاتىن سياقتى كۇردەلى جاعدايدا كومەگىن تيگىزەدى. اتالمىش قىزمەت ءتۇرى ءوزى ىسكە قوسىلعان ۋاقىتتان بەرى كليەنتتەر اراسىندا كەڭىنەن تانىمال بولدى. ەكى اي ىشىندە كارتانىڭ كومەگىنسىز 50 ميلليونعا جۋىق قارجى الىندى»، - دەيدى «جيناق بانكى» اكسيونەرلىك قوعامىنىڭ بولشەك بيزنەسى جونىندەگى باسقارما ءتوراعاسىنىڭ ورىنباسارى اندرەي تيمچەنكو.

بانكوماتتان پلاستيكالىق كارتانىڭ كومەگىنسىز اقشا الۋ ءۇشىن ەكى تالاپ ورىندالۋى كەرەك. ءبىرىنشى «جيناق بانكى ونلاين» جۇيەسىنەن سيفرلىق كود الىپ، اقشانى الا بەرۋگە بولادى. «جيناق بانكى ونلاين» موبيلدى پاراقشاسىنان نەمەسە ونىڭ web-نۇسقاسىنان قولجەتىمدى وپەراتسيالار تىزىمىنەن «كارتاسىز قولما- قول اقشا الۋ» اتتى بەلگىنى تاڭداۋ كەرەك. بۇل رەتتە اقشانىڭ سوماسى 1000 عا تەڭ بولۋى كەرەك. وسىدان سوڭ كليەنت سيفرلىق كودتىڭ ءبىرىنشى بولىگىن الادى. ەكىنشى بولىكتى الۋ ءۇشىن ۇيالى تەلەفون ءنومىرىن كورسەتۋ كەرەك. وسى نومىرگە كود جازىلعان س م س- حابارلاما كەلەدى.

بانكوماتتان قولما-قول اقشا الۋ ءۇشىن كليەنت «قولما قول اقشانى كارتاسىز الۋ» بەلگىسىن باسادى. ودان ءارى كودتاردى رەتىمەن تەرۋ كەرەك. الدىمەن «جيناق بانكى ونلاين» جۇيەسى بەرگەن كودتى، سوسىن سمس- حابارلاما ارقىلى كەلگەن كودتى تەرۋ كەرەك. وسى جۇمىستاردان سوڭ قاجەتتى قارجى سوماسى كورسەتىلەدى. ءسويتىپ، وزىڭىزگە قاجەتتى قارجىنى ءاپ- ساتتە الا الاسىز. قۇپيا ءسوز 24 ساعاتقا دەيىن قولجەتىمدى بولادى، ال، اقشا كارتاعا قايتارىلادى.

 kaztv.kaztrk.kz